Mangtha ko ne Tokyo 2020, Welcome Paris 2024 kum ah kan itawn than dih hna lai, America nih pakhatnak alak than ko Olympics,

Buainak le harsatnak phun phun kar lak ah, Tokyo Olympic 2020 cu dih asi cang, apumpi in United States nih cun gold medal 39 ngah in pakhatnak dirhmun arak si than ko, pahnihnak cu gold medal 38 angah mi China asi, Pathumnak si ding ah ram ngeitu Japan nih gold medal 27 ngah in atu tan Olympics game dih asi cang.

International Olympic Committee (IOC) president Thomas Bach nih cun, competiton ngeih thanak ding hmun cu, Paris mayor Anne Hidalgo sin ah Olympic Flag arak pek, kum thum a liam cang hnu ah Paris khuapi ah kan in hmuh than te lai tiah chim pah cung in an dih lak in “Mangtha” tiah arak chim khi asi.

Tokyo 2020 sport ngeihnak khawmpi lian hi tangka hmannka hna hi atam ngai, tukum Olympic budget zong US dollar 15.5 billion asi, can sau nawn tuaktan aherh mi asi caah, tuahnak ding hmun hi tuan deuh in fianter tawn khi asi, Japan khuapi ah hngat ding mi kong hi 2013 September 7 ah khan bia chahnak ngeih in fianter cawlh asi.

Japan nih Olympic Village tuahnak caah bia tak tein an zuam ngai, nain adonghnak lei ah Covid ruang ah vawlei kan buai dih ko kha mu! thil zei poh zong fiang lo ngai in a um ko, mah caah cun Tokyo 2020 zong hi kum khat postpone kha arak si, Covid kha azual deuh caah ahmun ngeitu Japan nih cun postpone asi lo ah ngeih ti lo lawlaw tiang in an duh ko cang khi asi, Nain IOC lei nih acan thawn than arem ti lo caah, Japan acoyah he bia ruahti in tukum ah ngeih kho asi, 2021 kum asi ko nain amin ah Tokyo 2020 tiah an ti hna.

US cu cungnung bik asi, vawlei ram dang dang in ram 205 an kal khawh hna, sports member 11,090 leng kal in sport Items 33-ah izuamnak ngeih asi, Ram 93 hna nih medal an lak khawh, India cu a pumpi ah 48-nak dirhmun asi, Olympic a si cang ah cun US hi cungnung bik ding ah ruah khi arak si cang, China nak in gold medal pakhat in teinak angah khi arak si, China zong Olympic game ah arak men lo khi asi ve, cun Japan arak si ve fawn, Tokyo 2020 Olympic Mangtha ko ne.