Mui dawh hi cu uar a um ve ko A pasal hlun taza cuainak ah aruah ning in thil akal lo pin ah asung ruang ah hin, Amber Heard cu Saudi pa nih a zangfak ruang ah ingeih ding ah asawm?

Mui dawh hi cu uar a um ve ko A pasal hlun taza cuainak ah aruah ning in thil akal lo pin ah asung ruang ah hin, Amber Heard cu Saudi pa nih a zangfak ruang ah ingeih ding ah asawm?

Hollywood nupa karlak buainak lian pi tuah tu, Johnny Depp le Amber Heard hna taza cuainak case ah khan, Court nih biachahnak felfai tein an tuah piak cang ko kha asi, Amber Heard cu a pasal hlun nih a puhnak ah thiam acolo/asung caah, Johnny Depp sin ah dollar zeimaw zat liam ding ah theihter asi, Amber Heard cu taza cuainak ah asung hnu ah hin, Internet lei ah Johnny Depp fans hna sin in soiselnak le deusawhnak tampi media ah hmuh ding a um khi asi, Saudi pa pakhat nih cun Amber Heard hi Court ah a sungnak ah hin, a zangfaktuk ruang ah hin, Nupi caah sawmnak akuat tiah theih asi.

Mah pa nih hin Amber Heard hi Instagram Direct message ah voice record in a kuat khi asi, Amber sin ah hin Johnny Depp bantuk putar tuk cang mi nak in, athatnak kong achim piak pin ah mi vantha zong na si lai tiah ati piak khi asi, Voice note hi social media ah arak viral ngai ngai hnu ah atu lio ah arak lar than ngai fawn,“Amber Heard” caah lam vialte hna apit dih cang ko, keimah ti lo ah cun, zawn ruah piak ding mi dang aho hmanh an um thlei ti lo, Mi cheu khat hna nih huatnak le deusawhnak holhka long hi hmuh ding a um cang, nang ngeih ding ah hin, biachahnak ka ngei cang mi asi, tiin achim piak pin ah, anunnak cu lawmnak le nuamhnak long tein nakhat ko lai tiah bia kakam fawn tiah ati.

Amber Heard le Johnny Depp hna karlak hi Hollywood ah cun chim tam bik le media ah an rawl thaw bik bantuk in alar than hawi khi asi, 2009 ah an pahnih nih hin ‘The Rum Diary’ an buaipinak ah a vawikhat nak iton hnu ah, 2010 kum ah cun mi tampi hmai ah lang ngai ngai in an izulh cang hnu ah cun hmun kip le keng kip social media le Instagram hna ah arak lar peng cang nak kha asi, Amber Heard hi a mui adawh ngai fawn tik ah mah cu social media hna ah arak larnak asi fawn khi asi, atu zong ah amui dawh ning hi aningte in asirih ko tiah news comment nak ah an langhter fawn.

2014 ah engagement tuah in kum 2015 ah cun Bahamas ah Depp’s private island lei ah nupa si ding ah an ithit/ngeihnak an tuah mi kha asi, Nupa nuam tein khuasa asi peng ko hih tiah fans hna le an hawi tha hna nih an ruah lio ah, an nupa karlak ah beisei bak lo in thil a phan mi asi, an ingeih hnu kum 2016 ah Amber Heard nih hin Depp thennak ding hi court ah arak submit Depp nih fak ngai ngai in kut an thlak tawnnak kong vawlei hmai ah arak phuang kha asi, mah hnu ah hin an karlak buainak hi 2022 kum tiang zeizei maw thil hi arak um peng cang kha asi, kan hnu lei akong fiangte in langhter asi bantuk kha asi.