Ni sawmli le pahnih chung ah minung sawmli hna nih duh tawk in an tlaihhrem hnu ah aluat than mi kong adonghnak cu?

Adonghnak cu,

Amah tlaihhrem tu hna chung ah hin mi dang dang hna an tel khi asi, cheu khat hna cu apa rual khi asi cang, mah hna sin ah cun fanu hna le far nu hna nan ngei ve ko lai cu, nan fanu nan far nu dirhmun bantuk in ruah ve hna ulaw nan duh vel ai maw? Ti hna in zangfah an hal ve ko nain, umzia a ngei lo, A ra mi poh nih zeihmanh chim lo in an kuah thal tawp tawp khi asi ko, an duhnak tlamtlingter long kha an duh mi asi, Nungak note caah cun, aho hmanh hi bawmtu ding ngei lo bak dirhmun asi, Advocate Dharmarajan-nih cun January 23-ah mah hmun in hruai chuak than in Calicut-ah zan hnih a umpi than ko, mah ka zong ah aduh poh poh nih sualpi ding ah asi fawn kho, Ni hnih a dih hnu ah Tamil Nadu le Kerala ramri pawng hrawng ah, Kambam khua ah cun a hruai than khi asi, mah ah cun Sukanya-hnipuan tha le sui/kut hrawlh hna tiang lak piak dih khi asi cang.

Mah an thilri an lak piak mi hna hi a hnu ah, Police hna nih Ernakulam khua ah cheu khat hna cu an hmuh piak than khi asi, mah bantuk in minung 30 leng nih duh tawk in an thuat/sualpi hnu ah hint hi deng mang in arak um cang khi asi, arak thang harh than hnu ah, an thil ton le tuar rapthlaktuk mi cu ti ngainak a um lo caah atap peng ko cang khi asi, azia deuh cang lai maw ati lio ah, mi dang hi arak lut than hawi acung ah thiamthiam arak bawh khi asi, Advocate pa sin ah zangfah ahal vetawn nain lungtum sin ah bia chim bantuk asi, Sukanya caah cun zeite hmanh umzia angei lo khi asi, hur holhka le zu hna hramhram in adinter, alungfah ning le retheih ning cu bia chimnak nih afiangter kho lo mi tuarnak bak khi asi.

An vahpi thluahmah hnu ah February 15-ah a hmasa an kalnak, Kumili Rest House-ah thiamthiam an kalpi than khi asi, Sukanya nih atuarning cu azia deuh cang lai maw tiah an ti lio ah, Khadi vara puan aih mi Politician asi ko lai mi nih cun atlaihhrem than thiamthiam khi asi, hawi dang zong atel chih rih, Khadi vara aih mi cu Baji tiah auh mi asi, mah lio ah hin Central-ah Congress acoyah ah Minister dirhmun ah dirmi asi tiah chim asi, hramhram in tlaihhrem asi ruang ah cun, Sukanya-ngandamnak nih atuar tuk cang caah, February 21 arak phan ah cun a dirhmun hi atha tuk ti lo khi asi, zei ti awk tha ti lo caah amah tlaihhremtu hna nih cun, Hospital-ah kalpi hrimhrim a her ko lai tiah an theih, an kalpi asi ah cun case an ngeih hna lai tiah an phang fawn, mah caah cun min/name lem/duplicate hmang in, achungkhar tiah chim mi Jamal- sin ah cun an chiah hna, Amah zangfah in abuaipi te ko lai tiah beisei asi lio ah cu pa zong nih arak sualpi than khi asi.

Mah lio ah cun a zunnak lam ah harsatnak arak ngei khi asi pin ah, ahnu lei atawka pawng kumkuruh antimi zong afaktuk cang khi asi, Athilri hna cu aphing ngai khi asi cang, Ni 42 bak an tlaihhrem hnu ah February 25 ah cun Sukanya cu amah te in aleng ah an chuah tawp khi asi, A chan cu a thi sual ah cun an tuar ding cu Police tlaih asi ko, Amah zohkhentu doctor nih cun rak chuak tlai deuh selaw anunnak nih atuar ko lai anti, Thi deng mang in anu le a pate umnak ah zei tintin maw aphan khawh khi asi, thil an tuar ning cu bia in chim fian khawh asi lo, Munnar Police station-ah cun a nu le pate hna nih report an pek, An complaint an pek mi cu, Circle Inspector of Police, V.K Mathew-nih abuaipi cawlh khi asi, Amah le constable pahnih hna he cun an buainak dik tak investigation cu dik lo ngai in, misualhna cu thiamcoter tim khi arak si hawi, mah lio ah Court-ah Judge pakhat nih arak theih mi cu avan thatpi kha arak si.

Judge nih cun Police pathum hna cu faktuk in hrem ding ah nawlngeitu sang ah an nawl ve cawlh fawn, misual hna case zong police nawlngeitu sang ah pe kasi, can tlawm pal ah cun Sukanya tlaihhremtu pawl minung 40 hna cu tlaih dih an si, Kerala news kip ah thli cang rapthlak tuk mi cu anrak hna fawn khi asi ve cang, A can lio ah cun India thlanglei state hna arak darh ngai ngai khi asi, Misual an tlaih mi hna cu News paper ah cun hmanthlak hna he tar piak in an kong lam an tial chih khi asi, tlaihhremtu an chung hna cu an mual pho bak ko kha, tlaihhremtu minung 40 hna chung ah 32 hna cu, thiam lo coter an si, mah case hi kum khat an buaipi hna ah Kerela High Court nih bail khawh ding ah ati, state pumpi ah an buai bak ko.

A chan cu Court ah buainak he pehtlai mi mi lang deuh politician cheukhat hna humhim tim asi tiin an ruah hna, acheu nih faknawn in hrem an duh, lam hna an zwah, A donghnak ah cun minung 32-hna cu, sungter in kum 5 jail tang ding in hrem arak si, mah buainak hi Kerela state chung ah mipi chung ah buainak tampi achuahter tawn khi asi, mah buainak le tlaihhremnak rapthlaktuk mi ah hin Sukanya min hi alang peng caah lung rethei le mualphonak long asi caah, Sukanya nih hri awh aduh tawn khi asi, nain atlamtling lo peng khi asi, an umnak state in state dang ah um daih khi aduh tawn, atuar ning hi vawlei cung ah tlaihhrem asi mi ah cun faktuk le rapthlak tuk tuartu arak si, van that ah amah tlaihhrem tu hna an tlaih dih khawh mi khi asi.