Pasal ngeih ding mi Nu hna le pasal lak ah, Nupa karlak ah athup mi le kanrak theihhngalh bal lo mi biathli cu??
Nungak le Nupa karlak ah athup mi kanrak theihhngalh bal lo mi biathli cu,
- Na aw-chuah sangter hlah, itih zah lonak langhter tu asi. Phungthlukbia 15:1
- Midang pawng ah na pasal kong chim hlah, Iven veve dingtu khi asi deuh. Efesi 5:12
- Na pasal pawng ah nalung si lonak chuahter hlah, zeitin dah arak dawn nathei lo, Chungkhar nuam lo phanter nak hram asi. Phungthlukbia 15:13
- Na pasal le mipa dang hna tahchun hlah, Mipa dang hna hi natheih fiang taktak mi asi thlei lo, Na pasal sinak taktak na soisel peng ah cun an dawtnak kha a dai/tlau sual khawh asi.
- Nangai lo hmanh ah, Na pasal hawi hna lak ah ruahnak chia lungput ngei hlah. lo mah la, Phungthlukbia 11:22
- Na pasal nih sal bantuk in a ngeih mi na si lo, nain natuah ding mi theih hrimhrim ding asi. Genesis 2:24
7.Mi dang nih na pasal bia an ngai lo a si khawh, nang nih cun ngai piak ding na si. Efesi 5:33
8.Tlamtling lo kut lawng in arak lawi ah cun soi bak lo ding, fawrhfel deuh deuh ko law. Deut. 3:28
9.Hman dih tawn hlah, Na pasal riantuan thahnemnak nih man angeizia tuaktan peng tawn ko.
10.’Sex’ hmannak kong ah zalong tein biachim tawn hna law, a lawm nak lei phun theih tim piak fawn law, Cu nathil tuah piak mi ruang ah, Nu dang hna lak ah na ven tlat khi asi te lai. Hla thlankhawm 7:12
11.Na pasal cu hmasa ah aduh mi nu he tahchun bak lo ding asi. Tahnak Hla 5:9
12.Na pasal taksa tawlrel lei ah dawhtertu tim tlat ko. Phungthlukbia 31:23
13.Fa sual ngeih na duh lai lo ti, na fa hna hmuh lio ah na pasal bia al peng hlah, nu fim caah tuah lo ding hmasa bik cem asi. Phungthlukbia 12:4
14.Na hawi nu hna le na pasal an ikawm tuk ding cu ven tlat ko.
15.Nu dang izuampi ngei peng bantuk in iruah ko, itawl thiang law, over lo in ithuam peng tawn ko.1 Sam. 25:3
16.Na pasal cu na chung hna le na hawi hna vialte lak ah nathim bik mi asi timi theih peng law. Mathai 19:16; Mark 10:9.
17.Nan ithitnak le dawtnak hi chawva tangka ah a nghat maw? Na pasal nak in salary lak tam mi silaw, atang ah na um kho thiamthiam lai maw?
18.Na pasal nih hin a biachim ngaipiaktu aherh peng mi asi, thil dang nak in a biachim ngai pawimawh hmasa bik ko, Cu cu nan inuamnak lungphum ding asi. Galati 6:9
19.Na pasal nak in ruahnak tha asi kho, tangchiah phah nak ah hman hlah, Nupa cu tuanti le ibawmti tawn peng ding kan si. Galati 6:10
20.Nupi phunciar hi aho hmanh nih an ngai bal lo, biachahnak vialte ah na ruahnak kha irawlhter dih tim hlah. Efesi 4:29
21.Nupi thatchia nih hin ralrin nak an sambau, Cun, itawl thiang aherh tiah an theih ko hmanh ah, an huam tawn lo. Phungthlukbia 24:27, 20:13
22.Ei/din nan tuah mi na pasal nih thaw ati lo ah cun, thiam ding ah cawn ko. Phungthlukbia 31:14
23.Na pasal lak ah thil beisei sang tuk ngei hlah, Thil arak phan mi hi inuam pi ning cawn thiam ko. Luke 11:3
24.Na pasal arak lawi ah cun thil dang kal tak in rak dawn cawlh tawn ko, nan tuah mi kha a hlum bik, Inlei ah rak lawi cawlh hi alung chung ah a um peng lai, nupa akawprem sinak hram asi. Phungthlukbia 31:11
25.Nan ithitnak le nupa nun umzia theihthiam lo nu dang hna cu, chim pi duh tuk lem hlah. Phungthlukbia 22:14
26.Ithitnak hi nan caah asunglawi bantuk in, mi dang hna napek khawh mi sunglawi bi kasi fawn, thil tuah poi tinak ngei lem lo zoh liam sawh ding asi lo, Pathian nih a hrem lai. Hebru 13:4
27.Chul/nau bawm a ong mi hi Bawipa thluachuah asi, Na fa hna dawt law na ti khawh tawk tha in hruai tim tlat ko. Phungthlukbia 22:6
28.Chungkhar zohkhen ding in upa tuk cang ti a um lo, zeitik hmanh ah changkhar nan ngai pawimawhnak tlawmter bak hlah. Phungthlukbia 31:28.
29.Thlacamnak hi nupi sinak ah pawimawh bik pakhat a si, Na pasal le chungkhar caah thlacamnak maicam nunter peng ko. 1 Thess 5:17
(Zangfah nak te in rak share ve ko u law tiah)