Thil maktuk/khuaruah har Vawlei cung zoh nuam ropi bik an ti khawh Qatar cu?? Nihin tiang result tling?

Thil maktuk/khuaruah har Vawlei cung zoh nuam ropi bik an ti khawh Qatar cu?? Nihin tiang result tling?

Vawlei ram pakhat asi mi Chin State ram acheu hrawng atiat mi ram hmete, Qatar-nih vawlei minung dih lak caah zoh nuam le ropi bik tawn, FIFA World Cup 2022 an nghah khawh hi vawlei ram tampi nih mak/khuaruah har an timi N0-1, bak asi, an ram chung minung population zong Qatar-ah hin minung 3 million tling lo deuh an um lio khi asi, vawlei ram dang dang hna chung ah Nu an tlawm biknak ram asi, minung um zat chung ah 24.7% long hi nu an si, mipa pathum ah Nu pakhat an um tinak asi.

An ram chung mipi 96.2% hrawng bak hi khuapi ah an um,  vawlei ram dang dang hna chung ah minung umzat in an tuak tan ning ah cun, khuate lei ah hin minung tlawmte 4.5% hrawng long an um khi asi, Ram hmete minung tlawmnak Qatar nih hin World Cup tuah khawh nak ding ah dollar $220 trillion hrawng bak an hman, aturu tuk ning le an rum ning hi mi tampi an khuaruah harnak cu asi, World Cup a nghat cang mi ram hna chung ah tangka hman tambik cem record ngeih asi, Brazil 2014 nak in alet 14.6-in an dih tam.

Stadium cangkang le ṭha bik 8 an tuah/sak khawh, Ni Linnak ram asi caah air conditioner dih in an tuah, vawlei thiamnak sangbik cemcem hman asi, Muslim ram Qatar-ah hin 1825 in atu tiang ah hin, Al-Thani chungkhar nih khawkhan lairelnak a kut ah an chiah, Amir Sheikh Tamim bin Hamad Al Thani cu an ram nawlngeitu bik lio asi, an biak pawm tlat in, zu hi thlah zalongter an duh lo ruang ah, World Cup Stadium le a pawngkam hrawng hrang ah, zu/rit phun hi khamh bak asi, minung thil ngeih atluk mi tel an duh fawn lo ruang ah khua thlang ram hna nih an soisel ngai ngai kha asi.

Qatar hi vawlei ram rawn bik pahnihnak asi, hmun sang bik hmanh feet 338 longte asi, Maldives nak in feet 6-in a sang deuh khi asi, mah lio ah hin vawlei hi adang ve peng ruang ah, kum 400 liam can nak in atu ah hin, metre 2-in a umnak hmun hi asang cang fawn,  An ram khawpi Doha-ah vawlei ah vanlawng ṭumhmun tha bik Hamad International Airport ropi tuk mi an dir fawn, Skytrax World Airport Award 2021 an ngah cang fawn, Qatar Airways nih 2021 chung ah vawlei airline ṭha bik award a ngah fawn, airline ṭha bik ah vawi ruk thim hmasa bik asi fawn.

Oil le natural gas a ngah ruang ah Qatar nih hin an rumpi asi,chawva hmuhnak bik zong asi, ram dang ah kuat tambik asi fawn,  India, China, Japan, South Korea, USA le UAE hna cu Qatar gas lak tambik ram an si, vawlei ram dang dang chung ah, natural gas lak chuah lo vawlei tang ah chiah tambik pathumnak asi, Russia le Iran hi vawlei tang ah chiah tam an si, vawlei ah ram him bik pahnihnak asi, Qatar-ah hin dan/dun buarnak le thil sual tuah tlawm biknak zong asi, ram lum asi caah thal can ah hin, celcius degree 42 cung lei asi tawn, Sihmanselaw ram rum asi ruang ah,  an ram chung ah minung an ithial lut hi an tam ngai tawn.

Qatar ah minung dih lak chung ah hin 15% hrawng long hi Qatari miphun an si, Islam biaknak zultu pawl hi 65.5% an um, atam bik hna cu Sunni Muslim an si, Hindu 15%  leng an um, Christian 14% leng an um fawn, 2022 kum dongh ah Qatar gross domestic product (GDP) kai cho ding beisei asi, everage in mi pakhat nih kum khat chungah $ 62,100 (Rs 50,72,000 ) an hmuh khawh.

FIFA World Cup suih cang mi result/report,

Qatar 0 -2 Ecuador, (0-3)

England 6-2 Iran, (3-0)

Senegal 0-2 Netherlands, (0-3)

USA 1-1 Wales, (1-1)

Argentina 1-2 Saudi Arabia, (0-3)

France 4-1Australia, (3-0)

Denmark 0-0 Tunisia, (1-1)

Mexico 0-0 Poland, (1-1)

Morocco 0-0 Croatia, (1-1)

Germany 1-2 Japan, (0-3)

Spain 7-0 Costa Rica, (3-0)