Tu lio ah thawng pang tha ngai mi hna theih ding a um pah len ko, kan miphun chanhim tu pawl an cawlcang ning ah lung atling ko,

Mandalay Township, Kyuatse khua lai fang hrawng ah um mi, General.U Than Shwe um tawnnak in cu bomb hmang in thuat asi, mah bomb puahtertu hna hi Dragon Kyautse Defense lei nih an thuat mi asi tiah an langhter, Bomb puahnak ah hliamhma ngei le mithi an um le um lo afiang rih lo, mah in hi tu hlan ah General.U Than Shwe um tawnnak asi tiah mi pakhat atheihnak kong avan chim khi asi, mah in chung ah hin minister cheu khat hna zong an um tiah thei asi, News fiang hngah asi.

Gangaw region-PDF hna nih CNA miphun ralkap cung ah lawmnak bia achim, Gangaw region, Hnankha khua leng ah CNA/CNF nih Gangaw- PDF hna an bawmh, Myanmar ralkap hna he an idoh cawlh khi asi, Myanmar sual ralkap hna minung 15 an thi tiah nizan ah khan Gangaw PDF nih anrak thanh, Nizan Gangaw PDF tel in minung 13 le Civil minung 4 hna cu myanmar ralkap nih an thah, mah Mintha-PDF an thah mi hna cu atu ah lehrulnak caah CNA hna he ifawnh in kanrak thuat nak asi, CNA mi 10 cung ah lunglawmnak tampi kan ngei tiah Gangaw PDF min in lawmhnak bia an langhter khi asi.


Nizan idoh kahnak ruang ah Myanmar ralkap hna nih adang anrak thlah chih hna, a um cia mi chung ah hriamhma ngei mi an tam ngai caah asi, ralkap council lei nih arak luhter mi ralkap hna nih cun, Hnankha khua civil in 36 cu mei khang piak asi, mah idoh kahnak ah hin PDF le CNA lei thi le hriamhma ngei an um lo.

Chin state Lungler khua cu bomb thlak asi, Myanmar ram Chin State chung “Lungler “khua hi Hnathiat District Thingsai khua pawng ah um mi asi, khat lei in hmuh khawh dih asi, India le Burma ramri Tiau tiva nih athen khi asi, Lungler khua hi Haka District chung ah um in Thantlang Township Sub Division chung ah um mi khua pakhat asi, in 100 hrawng long umnak asi, Tu zing 10.9.2021 ceu deng mang ah khan CNA hna nih Lungler khua ah Myanmar ralkap camp cu an va thuat nak ah, ikah cawlh asi zan lei tiang meithal le bomb thawngtheih peng rih asi, CNF miphun ralkap raltha ngai ngai mi hna nih, Lungler khua ah akulh Myanmar Military council ralkap camp cu CNA hna nih an lak piak cang tiah thawng theih asi.


CNF Lieutenant Colonel pakhat le ralkap tlawm pal te nih hriamhma an ngei, Myanmar ralkap zong a thimi le hriam ngei an um tiah theih asi, Myanmar ralkap lei thangzang ader cang ruang ah cun, atu bantuk in Myanmar ralkap bawm ding in Jet fighter arak chuahter khi asi, khua chung ah bomb cu an vathlak kha asi, khua chung um mi hna cu ram tang hna le Mizoram lei hna ah an zam hna, in zeimaw zat cu bomb nih ahrawh piak dih hna khi asi.

RFA nih Myanmar ralkap thawngthanhtu (spokesman) Major General Zaw Min Tun-cu, biakchawnh atimh ko nain achawnh khawh lo, CNF lei zong nih mah thil cang kong ah, Radio Free Asia halnak cu fiang in achim rih lo, Military council ralkap 6 cu athi cang, mah hnu ah Military council nih jet-fighter he cunglei in bomb he arak thuatnak asi, Military 6 thi in 5 hi CNA/CDF an tlaih mi cu camp ah phanpi asi cang tiah thei asi.

Nu hna hi Minister asi thiam lo fahrintu asi tiah ati,
Taliban bia thanhtu Syed Zekrullah Hashimin nih Afghanistan-ah acoyah thar an form mi ah, Nu hna an itel lo nak kong ah achim mi cu, Nu hna hi Minister asi thiam lo, Nu hi cu fahrintu ding asi tiah achim mi cu an soisel ngai ngai hna, Taliban hna nih tuesday ah khan acoyah thar ah, cabinet members ding mi hna na phuan ah khan mipa longte asi, Ministry pawimawh bik ah rian an pek mi cu, UN-nih terrorist ah an phuan mi zong atel mi an tam ngai hna.


Tlamtling tein akau khawhnak chung in acoyah kan form lai tiah an chim ko hmanh ah, Covo pek mi ah Nu hna an tel ve lo khi asi thiamthiam ko, mah ruang ah cun Kabul khuapi ah nu cheu khat hna nih duh lonak langhter in lam an zawh hna asi, Hashimi nih TOLO news-nih an kawmhnak ah, achim mi cu ” Nu hna hi Minister an si thiam lo, an tuah kho lo ding ah kan pek tinak asi ati, Nu caah cabinet-ah tel ve a her lo, fahringtu asi tiin a chim, Kabul-ah lam zawh mi hna zong an ram chung nu hna ai awh an si lo tiah a chim fawn.