Vawlei cung ah Thawngtha bia phuangtu ropi ngai mi le min thang ngai mi Billy Graham chuah/hrinnak le umnak hmun cu,

Billy Graham hi November 7, 1918 ah khan Charlotte, north Carolina, U.S-ah rak chuak/hrin khi asi, A Min cu, William franklin Graham jr. a si, Morrow le William Franklin Graham sr. Fa pali chung ah upa bi kasi, an chungkhar hi saram zuar in ei kawl mi chungkhar in achuak mi asi, Billy Graham hi ngakchiate asi in cabu rel duh ngai mi arak si, Pathian bia hi rel nuam ati bik mi asi, Kum 1943ah khan Wheaton college in graduate mi asi, anthropology ah degree ngeih mi asi, Kum 16 asi in, evangelist Mordecai Ham thawngtha bia phuan nak ah hrinthar/piangthar mi asi, mah hnu ah hin Pathian riantuan ding in kar arak thlangnak hram thawh asi, amah hi Baptist Pastor asi.

Pathian ram riantuan nak cu:-

Billy Graham hi Bawipa riantuan tu caah, chiah asi hnu zong ah arak lar cawlh ve mi asi theng lo, Vawlei cung ah thawngtha bia phuang ropi bi kasi lai timi zong arak ruah ve bal lo mi asi, Kum 1937 ah khan Florida Bible Institute, Florida ah thial asi, mah kum thiamthiam ah hin, sermon hmasa bik cu, Bostwick Baptist Church ah asi, Southern Baptist Minister caah ordained a si hnu ah thuk deuh in Bawipa riantuannak akalpi khi asi, Kum 1949 hrawng ah cun U.S lei ah arak lar ngai cang khi asi, Biakin chung le alenglei hna ah thawngtha bia phuannak angei tawn, a biachim mi hna hi Radio le television hna ah pek chuah arak sitawn,

Kum 1947 in crusade a kalpi cang khi asi, mah hi bawipa riantuan nak in adinnak kum 2005 tiang khan a kalpi mi asi, mah pin ah hin, 1950- 54 chung ah khan Radio show, ‘Hour of decision’ a ngei khi asi, mah zong hi alar ngai manh khi asi fawn.

BMS world Mission le global Mission in Bawipa riantuannak fakpi in akalpi ko, Vawlei ram 200 deng mang ah kalpi asi, Hmun dang dang ah Pathian min in ipawl khawmnakcan atuah piak hna, a thawngtha bia hi minung 200 million leng hi an kal tawn, A sermon ngai ding ah hin minung 100,000 leng hna hi an pumkhawm can a um peng ko, Television kaltlang in mi tampi nih an zoh tawn peng khi asi fawn, Billy Graham thawngtha bia chimnak ah hin, minung 3.2 million hrawng nih pianthar/hrintharnak an ngeih khi asi, Pathian hman mi le thil ti khawh bi kasi, Billy Graham thawngtha bia chimnak ah hin vawlei cung ah hrinthar tambik cem asi, “kum zabu 20 hnu ah Pathian riantuantu ropi bik asi” an ti, An ram zong nih an hlawk pi ngai, American president hna sin ah Pathian bia chimtu taw nasi, U.S president 33- nak Harry Truman can lio in Barack Obama can tiang ah khan spiritual adviser hna hi atuan khi asi.

A can hma hnung bik cu:-

Kum 2005 ah khan Pathian thawngtha bia chimnak in adin cang khi asi, mah lio ah hin kum 87 arak sic ang, A kum a tam cang ruang ah ataksa zong acak ti lo kha asi cang, mipi hmuh zong ah arak lang bal tuk ti lo khi asi, A can donghnak lei ah hin cancer zawtnak ngei in, pneumonia le zawtnak phunphun hna nih ataksa ah zawtnak apek khi asi, Kum 2005 ah khan Queens, New york-ah bia achim, mah hi mipi hmai ah bia chimnak hnu bi kasi, mah lio ah hin a biachim ngai ding ah minung 2 million leng pumkhawm an si, Kum 2007 ah khan a nupi a dawt tuk mi, Ruth Graham nih a thih tak khi asi, mahruang ah hin Billy Graham zong nih arak tuar ngai ngai khi asi.

February 21 ah khan an ram zing suimilam 8:00AM ah a umnak, Mortreat, North Carolina ah Pathian sin ah thadam tein idin ve cang ding ah mah vwalei hi arak chuah tak kha asi, U.S President hlun Donald trump nih,”Billy Graham bantuk thawngtha bia phuang mi ropi hi, mah vawlei ah hin aho hmanh an um lo” tiin sianh lo bu in arak thlah mi asi, Vawlei mikip nih an sianh bak lo, amah bantuk pathian tih mi le thawngtha bia phuan ropi hi achauk than zong an zumh hna ti lo khi asi.