Malaysia ah aphan mi kawlram minung tamtuk Covid zawtnak ruang ah an thi cang naite ah khan thla 2 chung in 40 an thi cang tiah,

Atu lio Malaysia ram hi covid zawtnak atamthan sinsin tiah thei asi, mah ruang ah cun Malaysia ah aphan mi kawlram minung chung hmanh in thla 2 chung ah minung 40 reng lo an thi cang tiah thawng thanh asi, mah kong hi VOA media corespondence asi mi Ma Aye nih atu bantuk a chim mi asi.

Malaysia ah hin ni fatin te in covid zawtnak hrik an hmuh mi hi thawnghra leng peng hi asi, kawlram minung an um tamnak Salanko state ah covid zawtnak ngeih mi hi an tam bik cem tiah thei asi, Vaccination lak ding ah atu ah an buaipi lio khi asi ve rua, thla 2 chung ah Covid zawtnak ruang ah athi mi Kawlram minung 40 nak in atlawm ti lo tiah mMalaysia ah um mi kawlram minung bawmtu hna Bu i President U San Win nih atu bantuk in report a peknak zong asi.


Malaysia um mi kawlram mi hna hi thi/lo kan tonnak ah mithi vuinak kong ah hin, an mah hna nih vuinak program ti bantuk le buaipi tuktak hna ah hin mawhphurnak kan ngei ti lo, an mah Malaysia acoyah Health department lei nih tawan an lak dih ko cang tiah U San Win nih cun a chim, Covid zawtnak asi cang ah cun an mah lei nih zei poh lei ah mawh phurnak an lak dih ko khi asi, Covid zawtnak zoh khenh ning training kai lo ah cun mi sawh sawh nih tong kho asi lo caah, atubantuk in acoyah nih vuinak tiang an tuah mi asi tiah ati.

Malaysia ah hin atu tiang Covid zawtnak cofirm cang mi hi minung 1,224,000 leng asi cang, August 6 ah khan nikhat chung in covid zawtnak hrik kai mi 20,800 leng an um, Malaysia ah hin covid zawtnak ruang ah athi cang mi hi, minung thawnghra leng asi cang tiah, Malaysia acoyah nih report nak ah fiang deuh in arak langhter khi asi.