Thil khuaruah hark an ti lai maw? Doctor pakhat upa tuk cang mi kum 100 atling cang nain, idin/pension lak a timrih lo!!

Thil khuaruah hark an ti lai maw? Doctor pakhat upa tuk cang mi kum 100 atling cang nain, idin/pension lak a timrih lo!!

Damlo zohkhennak atuan peng lio mi doctor vialte chung ah vawlei cung ah Upa bik cem asi mi, Guinness World Record-zong ah min alang cang mi cu, Atu ah hin kum 100 a tling cang ko hmanh ah, pension/idin atim rih bak lo pin ah,  Damlo hna zohkhenh rian hi tuan peng rih aduh, vawlei doctor hna chung ah upa bik cem asi fawn cang, idin atim rih lo kong nih vawlei social media ah arak lar bak ko hih!!

Ohio, United States doctor nih hin atu ah hin cu maim ai in idin tak atim lo kong amah bak nih a chim mi asi tiah, Cleveland-ah um Dr. Howard Tucker-nih hin doctor riantuan taktak mi hna chung ah, Upa bik sinak hi, February, 2021 ah khan arak tlai cang mah lio ah khan, kum 98 le ni 231 mi arak si cang kha asi, atu ah cun Tucker- hi kum 100 a tling cang, a rian tuan lio zong cu full time-in tuan peng rih atim tiah amah bak nih a chim khi asi.

Zing suimilam 9:00 in zan lei suimilam 6:00 tiang a duty rih lai tinak asi, Doctor nih hin kum 100 a tlin hnu te ah, July thla ah khan COVID-19 zawtnak akai ve kong le mah lio zong ah hin, An In lei in Zoom hmang in damlo a zohkhen ko, dam lo hna sin ah cawnpiaknak arak pek peng khi asi, mah long si lo in dam lo mi hna nih Ph-call in advice alak peng fawn tiah an chim fawn.

Guinness World Records-ah a min alang mi hi a ropi ngai ngai ko pin ah cawisang upatnak pakhat atling ko, can sau ngai ka duh ning te in le nuamte in nun/dam khawh nak ngeih hi ka tim bik mi le lian bi kasi tiin, Tucker-nih hin Guinness World Records sin ah a chim, Tucker- nupa hi mi danglam ngai ngai mi an sive hrimhrim khi asi, A nupi, Sue-zong kum 89 asi ve cang ko nain, psychoanalyst siin atuan ve peng rih khi asi.

A nupi zong nih a pasal bantuk in, pension/idin hi atim rih ve bak lo khi asi, idin hi ka tim rih bak lo, idin hi sau daihnak ral asi tiah an ruah ve bak ko cu mu! Ka kum a tlawm rih lio zong ah khan idin cang ding timi hrimhrim hi karuah bal lo mi thil pakhat asi a ti, Dr.pa Nupi zong nih mipi cu ti hin bia ahal?  “Nan rian tuan cu dawtnak nan ngeih ah cun tuan peng khawhnak nan ngei ko lai, zeiruang adah idin tak cu nan duh lai?? Tiin a hal bak mi asi.

Hi Dr. Nupa hna hi uar an um taktak pin ah mikip caah damnak le hnangamnak pektu asi tiah, atu lio ah social media ah arak darh tern gai ngai khi asi, an dam chung in mi dang caah riantuantu dik tak asi, Khrih nun dik tak ngei mi an si fawn, khua zakip ah kal in missionary rian an tuan lo hmanh ah, an umnak hmun in mikip caah damnak, hnangamnak lei riantuantu Dr. Nupa tha zohchun awk tlak bak khi arak si ko e.