61 Anniversary KIO President nih fawrhfelnak bia chim hi atha kho taktak Tlangcung vialte hna ifawnh dih in NUG acoyah he pakhat in kan dir lai Ralhrang pawl cei lak in kan thuat lai!

Military council nawlngeihnak system hi ahram in adongh tiang kan hrawh dih hna lai, tlangcung hriam tlai vialte hna hi hmalak timhnak pakhat tang ah hmunkhat tein kan dir    lai pin ah NUG acoyah he bia tak tein lungthin pakhat pu in kan kal ah cun Military council nawlngeihnak cu kan nganh hna lai lo, tlamtling nak kan ngeih thengtheng lai tiah zumnak ka ngei tiin fawrhfelnak bia thazang laknak ding ah atu bantuk in arak chim khi asi, KIO kum 61 tlingnak anniversary tuahnak ah President Ingbala nih atu bantuk in Kachin media hna sin ah arak chim mi bia asi, Tlangcung mi hna hi lungrualte in Ralhrang pawl kan thuat ah cun teinak kan hmuh hrimhrim lai, tih hna hlah usih ati.

Amah belte cu kan mah pakhat le pakhat zumtlak kan si lonak ah hin hmai lei ah ral kan sung pin ah ningzah ding dir hmun kan sit e lai timi ka phang deuh tawn ati, mah caah cun tlangcung u le nau pawl zumtlak tein riantuan hna usih, raltha ngai in ralhrang pawl cei lak in kan thuat te lai, kan sung bak lai lo tiah The 74 media ah langhter asi, Military ralhrang hna hi an sung deng mang cang, hmun kip in kan thuat ko cang caah, thin phang in an um ko cang, ralkap hman ding zong tampi an ngei ti lo caah, Jet fighter hna an hman swah sawh khi asi ko cang tiah tlangcung Unau dih lak caah atu bantuk in fawrhfelnak bia thqa ngai arak chim mi asi, Atu ah hin NUG acoyah lei zong nih bia tak tein hma akan lak piak cuah mah ko cang, hriamnam le thil dang herh mi tete hna tuah ding ah lam an kawl peng khi asi ve cang tiah ati.

Nan dih lak in pasal tha nan si ceu ko thazang tampi ka ngei, ka lawm ngai fawn, ram le miphun chanh ding ah nan za ceu bak ko tiin tha peknak lei phun in bia avan chim mi zong atha bak ko, thiamnak system phunphun kan kawl cuahmah ko lai ralhrang pawl cu kan tei hrimhrim ko lai, nan lung phang hrimhrim hna hlah u ati, ralhrang doh ding ah NUG acoyah hi kan mah ta acoyah bantuk in ruah ding asi, harsatnak a um sual zong ah pakhat le pakhat theithiam te in kar thlang hna usih, NUG acoyah hi tuanpi hna usih, 21 century Panglong agreement NLD Daw Aung San suukyi hruainak tang ah zeihmanh umzia angei ti lo caah, kan mah thazang hmang in kan doh longlong ah Feseral Democracy zong kan ngah ko hnga ding mi asi, timi hi miphun kip nih kan theihthiam aher cang tiah ati.

Sourer :The 74 Media