Biaknak lei ah Khrihfa long si lo in Biaknak dang dang hna chung in Mi cak/thawngbik cem tiah minthang ngai mi hna cu,

Biaknak lei ah Khrihfa long si lo in Biaknak dang dang hna he,

HERCULES: Greek pawl zumh ning ah cun vawlei ah minung arak chuak cang mi vialte hna chung ah, thahri ngah bi kasi, An Pathian Zeus-fapa a si, a ngakchiat lio tein, minung Normal nak in acak/thawng ngai peng mi asi, Nemia sakei he an ithuat ning hna cu anrak chim ngai ngai hna khi asi, rulpi hydra a thah ning le sakawlh/sahrang phun phun athah kong hna cu, Greek mipi pawl hna caah hnangamnak le venhimtu biak asi tawn tiah an ti, Greek mipi hna caah thazang angeih mi vialte arak hmang mi khi asi fawn, Argos khuapi ropi uknak tang in Greece mi hna cu arak chanchuak khi asi, Cun ramsa mak pipi, Greek mipi hna abuaiter tawn mi hna cu athah dih hna khi asi, Greek mipi hna caah cun hnangampi taktak khi asi, amah belte cu adonghnak ah amah duh ning in amah le mah an ithat khi asi, an ithah ko hmanh ah Zeus-nih cun pathian hna chung ah um ve ding in an chiah ve thiamthiam an ti.

SAMSON: Khrihfa hna chung in Samson-nak in thahri ngah mi an um lo, Philistia mi hna lak ah Israel hna chanchuak ding ah Pathian thlah mi asi, Samson cak/thawngnak cu a sam ah a um mi asi, a sam an tan piak lo lio ah cu aho hmanh nih an tei khawh bal lo, Samson kha Israel hna caah cun hnangamnak pektu asi, amah longte hmanh nih Philistia mi tampi an that khawh mi asi, Sakeibaknei/Lion zong a tei khawh tluk ah cak/thawng mi asi.

Philistia mi hna caah cun tih nung bak khi asi ko, an lo hna mei ankhangh piak, tlaih an tim vet awn hren/temnak hri zong acatter dih, mak an tin gai hna, sabengtung ruh ro he hmanh minung thawng leng an thah khawh, Kum 20 chung hrawng cu Israel mi hna caah hnangamtu asi, nain a caknak petu Pathian arak philh khi asi, Pathian tuah lo ding ah atimi tampi arak tuah, Philistia nungak aduh ruang ah an mah sin ah zu hna anrak din/ an lam nuam ati ngai, mah lio ah Israel hna ral asi mi Philistia nungak cu nupi ah angei hnu ah asam an cut piak hnu ah thazang angei ti lo kha asi.

THOR: Rome le Norse pawl zong nih micak/thawng mingthang ngai mi, tih anung mi sahrang hna lak ah venhim ding ah Thor-timi hi an ngeii ve khi asi, Norse pawl Pathian a si, minung hna kilhventu bi kasi fawn, Thor-nih hin hmanraw pawimawh bik pahnih angei mi cu, Taisom le sabul khi asi, Taisom nih athawnnak thahri alet 2 in apek ti awk khi asi, Sabul nih tek/light achuahter khawh Sabul le Taisom angeih chung cu aho hmanh nih atei bal lo,

Thor-nih hin a damchung in rulpi lian tuk mi le sau ngai mi, Midguard Serpent an timi cu thah timh in a adawi khi asi, adonghnak ah cun Norse pawl Pathian hna idohnak bik, Ragnarok an timi ah cun a that khawh khi asi, Midguard serpent a thah nak ah hin hliamhma tuar in amah Thor-zong arak thi ve asi, Mah Pathian hna idohnak Ragnarok ruang ah hin, vawlei cu ti nih akhuh dih-I, minung pahnih long dam chuak an um tiah an ti.

BEOWULF: English pawl thlahtu hna, Anglo Saxson pawl he Pagan Biaknak ah an lut lio ah, Pa cak/thawng minthang bik cu Beowulf-hi a si, Anglo Saxon pawl san lio ah khan sakawlh/sahrang le dragon hna nih hin, mipi hna hi an buaiter ngai ngai tawn khi asi, Pasaltha le raltha fawn ahngahchan bik mi, Beowulf a um tiah an theih ah cun hnangamnak ngeihtertu arak sitawn, A ralthatzia cu arak lar ngai ngai khi asi, Denmark siangpahrang Hrothgar-zong nih bawmnak arak hal ve bak mi asi, Denmark ram buaitertu sakawlh/sahrang Grendel tiah an auh mi cu thuat ding in ava kal khi asi.

Grendel-a cak/thawnzia le tih anung tuk mi asizia cu, pasaltha tampi hna nih thah tim taw nasi nain, aho hmanh nih mah sahrang cu an that khawh lo, Sihmanhselaw Beowulf-nih cun Grendel-cu vawikhat itonnak ah an thah khawh cawlh khi arak si, An thah mi Grendel- kut tan piak in mah cu siangpahrang Hrothgar-sin ah akuat piak khi asi, Grendel-a thih hnu ah Gendel-a nu cu athah than ni asi, a ral athattuk ruang ah hin Denmark siangpahrang thutdan zong an pek kha asi, upa cang hnu ah rupui Earnaness dragon, fit sawmli asau mi he an ithuat than-I, upa asi ko hmanh ah Beowulf-nih cun a tei than khawh khi asi, Beowul damchung cu Denmark mipi hna nih hngangam an ngei-I, athi hnu zong ah sahrang le dragon nih an buai bal ti lo tiah an ti.

HANUMAN: Hindu mythology lei ah cun Hanuman hi caknak le teinak tiah chinchiahnak pakhat asi ve, Hindu Pathian Lord Rama le khuachia Bawi Ravan-hna idohnak ah an General pawimawh ngai mi asi, A cak/thawng long si lo in ramsa phunphun bantuk in acanter khawh fawn, Lord Rama le Ravan-hi kum sau ngai an idoh cang, an idohnak ah hin Lord Rama- unaupa Lakshamana nih cun hriamhma faktuk ngei in, mah hiamhma damter khawhnak ding ah cun, hnim phun khat Sanjivani an timi cu Himalaya tlang ah lak a herh khi asi.

Mah hnim lak ding in Hanuman-cu arak chuak, Zing khuaceu hlan ah alak manh lo asi ah cun, unaupa Lakshmana cu a thi manh lai khi asi, mah cu Ravan-nih cun arak theih khi asi, Hanuman- kalnak lam ah cun sahrang hna le dawithiam hna arak auh chuak dih hna asi, Hanuman-nih cun dawithiam Kalanemi- a thah hmasa hnu ah sahrang tampi hna zong athah hna, mah hnu ah cun Himalaya tlang cu a phan, nain hnim atam ngai caah zei bantuk hi dah lak ding tim kha atheih ti lo, ti ngaihnak zong atheih ti lo caah, mah hnim umnak Dronagiri tlang cu, a pumpi in a phur dih asi, mah cu Lord Rama sin ah aphanpi hnu ah damnak hnim cu an hmuh khawh tiah an ti.