Commando hi mi zei bantuk hna dah an si, ralkap he zei dah hlei dannak a um maw? India

Commando timi hi atu lio ah arak lar ngai ngai caah, akong lam tawite in, Commando ttimi hi British nih an uk mi ram hna nih anrak theih ngai ngai, lar zong arak lar ngai ngai khi asi, Arak chuahnak cu, Dutch holh lei in chim ning hi lak asi tiah an ti, Dutch pawl nih cun Kommandos tiin anrak chim tawn cang khi asi, South Africa ram, Boar Idonak kum 1899-1902 hrawng ah khan hramthawh arak si.

Kum 1940 vawlei raldoh Pahnihnak arak chuah ah khan, British Army hna nih Commando Special forces cu rak dir asi, Ralkap nak in training atam, thli tampi an cawn, mah commando hna hi tih anung deuh mi hmunhma hna dohtertu bik arak si, an hriamnam hman mi hna hi athatha le athawng thawng an hmanter, British Army nih hin kum 1946 Idoh dih hnu ah khan,anrak hman tilo kha asi.

British ah hin Marines lei ah, Brigade khat Cu, Royal Marines Commando tiin, atu tiang anrak ngei rih ko, India zong ah hin Kum 1940 in arak dir ve khi asi, 9 Parachute Battalion hna hi, Commando Unit an ngeih hmasa bik hna an si, atu ah cun Parachute Regiment ah Battalions 17 chung ah, Battalion 9 hna hi, Special forces Battalion arak si.

India State Palik le Central Armed Police Forces hna ah hin, Commando unit hi an dir tam ngai cang hna, Kum 2008 Mumbai Terrorist cawlcang hnu ah cun, State Police hna zong nih anrak ngeih dih khi asi cang, Commando nih hin, an Training le an cawlcang ning an cawn piak, atluk ceu lo Para SF le NSG zong an kalning alo lo, Central acoyah nih State Police le CAPF hna bawmtu ding ah an ngei khi asi.

All India Police Commando Competition hna tuah in, State Police Commando le CAPF Commando hna pawl, Thil dang dang hna ah le ahartuk lio cawlcangnak phun hna khi competition an tuah tawn, Kum 2014 ah khan, Tamilnadu Police Commando hna zong nih, lak sawng pakhatnak anrak lak cang, Defence tang ah hin Para SF Army, Marcos Navy, Garud Air Force, hna hi an ngan ngai mi pawl an si.

Ministry of Home Affairs tang ah hin, NSG Black Cat, COBRA CRPF, pin ah ITBP, CISF, BSF, SSB le Assam Rifle hna an um, Commando training hna zong an tuah piak tawn, State Palik hna zong an kal ve tawn, State Police Commando hna nih min an ngei ning cu:-
1. Andhra Pradesh – Greyhound
2. Maharashtra. – Forces One
3. Gujarat. -. Chetak
4. Karnataka. -. Garuda
5. Odhisa. -. SOG
6. Kerala. -. Thunderbolts
7. Meghalaya. -. SF -10
8. Delhi -. SWAT
9. West Bengal. -. CIF
10. Haryana. -. SWAT