Hiroshima Day August 6 ah Atom bomb vawi hnih tuarnak in aluat mi le adam mi um chun “Tsutomu Yamaguchi” cu,

Tsutomu Yamaguchi hi Vawlei ralpi vawi 2 nak ah, Atom Bomb vawi hnih tuar chung in adam khawh mi um chun te asi, Yamaguchi hi March ni 3, 1916 ah Japan ram khuapi pakhat Nagasaki ah a chuak mi asi, Amah hi Engineer thiam mi zong asi, Kum 1930 in Mitsubishi Heavy Industry ah riantuan in Draftsman arak si, Oil Tanker Designer zong asi fawn, Ralpi vawi 2 nak ah USA nih Japan ram khuapi 2 ah Atom Bomb an thlak mi kha aton ve ve khi asi, Vanthat ah arak dam chuak ko khi asi.

August 6, 1945 ah khan atuanpi mi 2 hna he hruaitu hna nih kal ding ah an fial nak Hiroshima khuapi ah an tlawng lio asi, A thai zing ah cun Hiroshima an chuah tak kha asi, asi nain thil philh angeih ruang ah km 3 akal hnu ah anrak kirthan asi, Zing suimilam 8:15 ah USA nih cun Atom Bomb anrak thlak cu anton ve bak khi asi, Amah nih a chim ning ah cun, “Lightning kawlphe bantuk” in van boruak ah mei vang bantuk asi, mah hnu ah cun thil puak thawng faktuk in ka thei cawlh, kazuang tawp ko mah hnu ah vawlei ah ka tla than ati.

Ivennak kawl in in tang ah bawkvak in kalut khi asi, A hawi 2 hna zong vanthat ah a him ve ko, Yamaguchi hi a hna khaw achiat, khua hmuh afiang lo, A taksa tampi mei khang bantuk in a um, hliamhma angei mi cu afaktuk lo khi asi ati, A thai zing ah an khua Nagasaki ah an tlungkhawh cawlh ko, Nain August 9, 1945 ah an khua Nagasaki ah Atom Bomb thlak arak si hawi khi asi fawn, A vanchia taktak khi asi ko, nain mah lio ah hin cun hliamhma afak tiah chim ding a um lo ati, Zarh khat chung khuasik zawtnak in ka zaw bak ko tiah ati.

Ralpi adih hnu ah khan US Navy tang ah holh lettu ah akan hman ati, mah rian hi can sau tuk lem lo karak tuan hnu ah, Anrak tuannak Mitsubishi Heavy Industry ah cun ka kir than ko tiah ati, Yamaguchi hna Nuva nih hin fanu 3 an ngei khi asi, Atom Bomb zungzam an ton dih hna, taksa isoiselnak phun phun ngeih peng khi arak si, USA nih Hiroshima le Nagasaki ah Atom Bomb an thlak mi kha ton fuh ve ve mi 69 an um, mah chung ah cun Yamaguchi long te hi arak dam chuak khi asi tiah chinchiah arak si, A mah hi can sau pi anrak theih hna lo, kum 1957 ah khan fiangte in anark thei chauh khi asi.

Atom Bomb arak tuar ning documentary tampi an tuah cang ko, Film Director hna zong nih an in ah hin aleng mi antamtuk hringhran ati, Documentary an tuah mi hna cu UNO ah tha tein chiah arak si, Minung 200,000 hrawng nih an thihpi nak Atom Bomb vawi 2 tuar in adam khawh mi, Yamaguchi hi ataksa ngandam nak hi ruah nak in arak tha ngaingai ko, A can donghnak lei ah, zawtnak phunphun arak ngeih khi asi, Kum 2010 January Ni 4 ah khan kum 93 siin, Kal le Pumpi Cancer ruang ah a nunnak arak liam khi asi!! NB: Nihin hi Atom Bomb arak tuarnak ni asi 6 August.