India ram chung state dih lak hna ah Chief Minister anrak tuan cang mi chung ah Chief Minister Sifak bik cu aho dah? zei dah aruang asi lai tiah nan zumh?

Tripura CM hlun le an Chief Minister 9th nak Manik Sharkar hi CM mitha tlawmte chung ah atel mi asi, India ram ah CM rethei/Sifak bik tiah anrak chim tawn mi asi, Kum 1949 22 January ah chuak mi asi, Hnipuan thittu fapa asi, Kan ram politician cheukhat hna bantuk in, Canawnnak in hramthawh ve khi asi, College a kal lio ah Students Union ah General Secretary le Vice President rian hna anrak tlai ve tawn cang khi asi.

CM asi lio ah hin State chung ah remnak le daihnak a um khawhnak hnga, Development caah thil tampi arak tuah/tuan khi asi, mah lei cu kan chim lai lo an nun ning le ram ahruai ning hna tawite in kanrak chim lai, Manik Sharkar nih hin acoyah thilri hna hrimhrim hi anmah personal caah hman hi an duh bak lo khi asi, Chief Minister asi hnu tiang in amah hnipuan hna araksuktawn mi asi, Kedan zong amah long tein ahnawh tawn, anupi zong nih ahnawh piak lo, Zing fatin tein music ngai pah cung in suimilam pakhat chung ah Exercise alak tawn, Thla khat ah Rs- 10,000 an party nih an pek mi hmang in khuasa mi asi, CM atuannak lahkhah/hlawh vialte cu party ah apek dih tawn, Party an izohkhenhnak caah tiah Rs-10,000 anrak pek khi as tawn tiah thei asi a ropi ngai ko.

Biapi bik ah achiah mi cu langtlang transprency taktak ah nun le dik tak ah nun hi asi, Nawlngeihtuk phun le ropi tuk in khuasak nak in, tang dawr te ah nun hi asi, Ni fatin nun hman ning cu, mei vangnak mikhuat hmete mi le kuat zuk ding angeih ah cun lungnuam te le tha dam te in a um ko, Affidafit arak submitt nak ah alang ning in Rs-1520 tangka a ngei i, Rs-2410 cu bank account ah tangka ngeih mi asi, Chief Minister term 5 chung azawn bak in arak tuan mi asi, mah chung in Dumtuahnak caah tiah ram acres 0.0118 kau te hi angeih mi asi, mah long te hi arak chuah pi ve khi asi.

A nupi hi acoyah riantuan asi ruang ah, an nuva ngeih mi thil le tangka dih lak fawnh in, ting Rs-26 hrawng ngeih in tuahtan piak asi, A nupi zong nih hin hian sin um ngei bak lo in amah longte bazar ah kal in meh hna acawk khi asi, Chin ram le Mizoram Chief Minister hlun hna cu, affidavit ah alang ning in 12 million, 10 million hna hi asi, India CM rum hna top 10 nak ah pakhat cu alang ko tiah report ah langhter asi.

Kan ram nih hin mifim le cathiam pipi cu politician an ngah tuk cang hna, Sihmanhselaw, Ram le miphun development nak in pumpak le chungkhar development deuh longte hi kan si deuh rua, Diknak le thatnak in ram caah, sifak pi ngam hi kan ram nih arak herh taktak ko lo maw? Mifim hna zong hi ram hruaitu ah diknak angei chih lo ah cun zei thlei an si lo mu! ram hrawhtu le miphun ithenter tu menmen khi asi, Eihmuar ding lam tuah an thiam ngai ngai ko, cawlcangnak thup ning an thiam fawn, mah caah cun kan ram nih hin mi dik le ram adaw taktak mi hi ramhruaitu caah kanrak herh taktak ko cang tiah alang ko.