Ka fanu hi Nupi caah ngeih duh an um ah cun vawk 300 hi ka pek lai ati, vawk 300×25000=7,500,000 India tangka in,

China ram Hainan Province khuate lei khua pakhat ah cun, fanu pakhat long te angeih mi cu, nupi caah aduh mi sin ah vawk ka ngeih mi chung in 300 hi ka fanu ngei duh sin ah ka pek lai tiah ati, aduh mi nan um ah cun arannak in peh tlai hna uh nan sung sual lai mu!

Mah China pa fanu hi amin cu Zhang Zhinvuan asi, amah hi atu ah kum 25 long asi rih ko, mui dawh ngai mi zong asi, amah hi khuapi lei ah University ah degree angah hnu ah, khuapi lei ah rian zong kawl lo in, an khua ah a pa umnak ah cun akir than khi asi, Apa vawk farm ah cun apa abawm ve tawp khi asi ko, Apa nih vawk farm atuah mi ah hin atu ah vawk 2000 an ngeih lio asi.

Mah caah cun apa vawk farm ah bawmtu an herh ngai ngai rua, mah caah cun atu bantuk in afanu ngeih chun te mui dawh fawn cu, nupi caah ngeih aduh mi sin ah vawk 300 ka pek lai tiah atinak khi asi, Zhang Zhinvuan nih hin Ngaih zawng tlang angeih rih lo khi asi, amui adawh ngai fawn ko, nupi caah ngei duh ding bak asi ko khih.

Vawk 300 cu zeizat man dah asi lai tiah na ruah? vawk pakhat hi India tangka in Rs-25,000/- asi, 25,000×300=7,500,000 man bak asi ko lai cu mu, mi tampi nih nupi ngeih ding ah hin, Nupi man kan pek tawn ko nain atu China ah cun pasal man an pek ko hih, aduh mi caah cun arannak in ngaihven atha lai.