Kan vawlei hi ralpi achuak nai cang khat lei khat lei tuanpi ding ah hma lak asi cang kan umnak ceu ah kan him lai maw??

Russia nih an tuanpi ding kawl in manh lo bu in khualtlawng hram athawh cang, cu bantuk in NATO le European lei zong an cawlcang ve peng ko cang, Sweden le Finland zong nih NATO ah tel khawh asi cang lai, nihin ah khan Turkey nih rem tinak an tialpi khawh cang, Putin zong an um thiam ti lo caah, an mah lei tangti pi ding ah hawitha kawl in ram dang ah atlawng ve fawn cang khi asi, thil asi ning alang deuh deuh ko cang, direct in ralpi pathumnak ding ah tiah an chim hna lo hmanh ah, an cawlcang ning le an thil tuah mi ah thil tampi theihthiam khawh asi cang tiin, Analysts hna tuaktan ning zong asi.

Ukraine an doh hnu ah avawi khatnak ding ah Putin cu ram dang ah hawitha kawl in atlawng lai,

Russia president Vladimir Putin cu tu zar ah hin central Asia-a Soviet ram hlun pahnih a tlawng lai, mah hi February 24-ah Ukraine ram an doh hnu ah ram leng ah atlawngnak hmasa bik ding asi, President Putin nih hin Tajikistan le Turkmenistan a tlawng lai khi asi, mah hnu ah hin Indonesia president Joko Widodo cu Moscow-ah ibiakchawnhnak a ngeihpi fawn lai, Dushanbe-ah hin Russia hawitha bik chung ah um mi, Tajik president Imomali Rakhmona cu Putin nih hin a ton lai, Ashgabat-ah Azerbaijan, Kazakhstan, Iran le Turkmenistan ram hruaitu hna iton khawmnak, Caspian nations summit-ah a tel fawn lai khi asi.

Russia lenglei ah Putin tlawngnak a hnu bik cu, tukum February thla zarkhat nak ah Beijing atlawng mi kha asi, mah ah hin China president Xi Jinping he tuanti nak ding ah, “no limits” friendship treaty an tial hnu ah Winter Olympic Games opening a hmanpi fawn kha asi, atu ah an tlawngnak zong hi tuanpi ding ah hawitha ser hi asi, achan cu ralpi pathumnak achuak ah cun NATO pawl hi hriamnam tha ngei an si ve fawn tik ah, manh lo bu in atu bantuk in ram dang ah hawitha kawl in atlawng mi asi tiah news report nih alanghter mi asi.

Ukraine nih Russia cu warning apek ve bak ko,

Feb 24 in Russians nih Ukraine ram 20% hrawng an lak piak cang, Ukrainian military intelligence head Kirill Budanov nih The Financial Times kal tlang in Russians hna hi ahrocer bak “Russia should brace for “attacks and sabotage operations” within its territory,” atu bantuk athuatnak chung ah Pro Russian hruaitu pa Kherson Region mi thah asi, Kherson Region ni ah hin, Crimea border ah bomb fak ngai ngai in apuak fawn, Advisers to President Biden nih CNN sin ah Vladimir Zelensky nih “idohnak ah cak deuh le Russia ram lak cang mi hna lak than dih asi lai tiah achim mi nih hin zei dah umzia angei lai? Ukraine hi an cak deuh lai maw sihnga? Tiah halnak asi!

Iran nih hin thlithup in Russia an bawm tiah theih asi,

 

US, UK le Europe ram hna tel lo nak BRICS -Brazil, Russia, India, China, le South Africa, vawlei ram economy lian le thangcho lio hna tel nak ah, Iran le Argentina nih tel duh in an hal ve khi asi, Islamic Republic of Iran hna nih officially in halnak an submit cang, Argentina President Alberto Fernandez zong nih halnak submit ve fawn cang, Russian FM Sergey Lavrov nih BRICS members hna nih ram 2 halnak cu, ceih piak ding asi lai tiah an ti lio ah, Iran nih cun Russia Ukraine ah hriamnam zei maw zat he Russia hi thlithup in an bawm tiah theih asi, Russia nih an ram economy athatter deuh nak ding ah, Ukranian Grains hna zong Iran kal tlang in middle East ah an zuar chuak lai khi asi.

Pro-Russian hna nih US hriamnam Himars cu hnawksak an ti bak ko,

Ukraine ralkap hna nih Donbas lei ah Lugansk People’s Republic (LPR) hna kahnak US-supplied М142 HIMARS multiple launch rocket systems an hman ruang ah, harsatnak faktuk in an ngei tiah report a si, Telegram channel LPR’s representatives, Joint Centre for Control and Coordination cu, Ukrainian armed groups hna nih 7:20AM in М142 HIMARS (1 missile) hmang in akan kap peng tiin, Russia lei hriamnam kan supply ding kan cawlcang kho lo an ti, mah hriamnam Ukraine ralkap hna nih an hman hnu ah hin Russia ralkap le hriamnam zei maw zat an kah chiat piak tiah theih asi fawn.

Russia nih World war III achim than cang,

February 24 in Russia nih hin zar chiar in vawlei ram dang hna hrocer nak ah, World War III hi an chim peng khi asi, Russia’s foreign minister Sergei Lavrov nih, Turkmenistan a tlawng lio ah “Western pawl nih Ukraine hriamnam an pek sau poh ah cun, idohnak hi asau ko lai tiah ati, an huam chung cu kan huam ve ko lai tiin, Russia’s former president, Dmitry Medvedev nih “kan caah cun Crimea hi Russia ram chung asi, mah cu zungzal caah asi, Crimea lak tim tu hna cu Russia lak ah idoh phuang ah kan ruah lai, Nato member-state, hna nih hma an lak asi ah cun North Atlantic alliance pumpi nih an tuar ko lai, a effect ding ah cun, World War III ” tiin Russian news website Argumenty i Fakt ah arak chim mi asi.