Khual tlawng mi hna caah theih kaunak Delhi Metro hi vawlei cung ah lian bik le sau bik 13nak asi akong tlawm pal theih her mi tete,
Delhi Metro hi vawlei cung ah Metro lian le sau bik 13-nak asi, India ram bik ah cun Kolkatta le Chennai MRTS an tuah hnu-ah urban mass rapid transport system 3-nak asi, station 140 ngeih in km 193 sau asi, mipi nih san tlai ngai ngai in an hmang khawh, Delhi Metro hi Delhi chung bik ah Delhi Metro Rail Corporation Limited (DMRC) nih a zohkhen mi asi, adih mi hna hi central acoyah le Delhi acoyah nih 50:50 in zohkhen veve asi, Nichiar in zing suimilam 5:30AM in zan 12:00PM tiang, trip 3000 hrawng lut/chuak peng asi, station pakhat ah hin minute 3-4 hrawng an idin ta tawn, mipi caah san atlai deuh deuh caah Metro-ah hin coach/compartment 8 an chiah khi asi asau ngai ko, mi tampi achung ah an cit khawh, Nikhat ah passenger/commuter 2.4 million phur tawn bantuk asi.
UNO nih“carbon credits for reducing greenhouse gas emissions’ certificate zong an pek, an peknaki chan cu, Delhi Metro a um ruang ah hin Delhi khuapi boruak tha lo pollution tlawmtertu greenhouse gas emission 630,000 tonnes kum khat ah tlawmtertu asi tiah certificate an peknak cha nasi, mah Metro vialte hi thawng/cak ngai ngai in an kal peng khawhnak ding ah hin, a cung lei zawn ah, overhead catenary in lak mi Electric 25-kilovolt, 50-hertz alternating current hmang asi, Power/Current hi minung thil tuah chung ah thil san tlai bi kasi, Electromagnetic Induction hmuchuaktu hi Michael Faraday (1791–1867) ah asi mah cu atu tiang kan mah hna zong nih kanrak hmang ve hi asi ko.
Delhi Metro hi 1998 kum in tuahnak hram thawh asi, akalnak lam hi colour dang dang in min an pek hna, Red Line hi 2002 kum in kalter hram thawh asi, Yellow Line hi pa 2nak, 2004 kum ah kalter hramthawh asi, Blue Line hi 2005 kum ah kalter hramthawh asi, Green le Violet hna hi 2009-ah kalter hramthawh asi, a hnu bik ah Delhi Airport Metro Express hi 2011 kum in kalter hramthawh asi, air-condition achung ah a um dih, icit zong anuam, icit man zong afawi ngai ko, mah vialte hna passenger/commuter tam ning cu, icit man fare hi akhawn in khawn siselaw an buai ngai ko lai nain, current hmang thiamthiam in icitnak man hi Travel card cawk asi, card hi phun 3-in an tuah, Ni khat long hman ding phun hi RFID token an ti, Rs.8 man in Rs. 30 man tiang a um, Travel card a um than mah cu Rs.200 man in Rs.1000 tiang cawk khawh asi.
Station lut chuak kal tam ning in anrak record dih tawn khi asi, Rs.1000 man adih hnu ah adang cawk than khi asi ko, Mobile top-up recharge bantuk in recharge peng ding asi ko, Tourist bik hna caah hman ding ah nikhat daih le nithum daih cawk ding a um ko, Ni khat long hman khawh mi phun hi Rs.150 man a asi, ni 3 daih hman khawh mi hi Rs 300-in cawk khwah asi, Rs-50 deposit ah khualtlawng mi hna nih hin travel card-ah an hman dih lo mi tangka a um ah cun refund-ter khawh asi.