Minung fimnak hi cu aw asang sinsin ko Dubai khuapi chung ah rua asur bal lo caah Drone Technology thiamnak hmang in rua surter khawh na zum maw?

United Arab Emirates hi vawlei cung ram ropi bik 10 hna chung ah atel ve mi asi, cun an ram hi mirum long te an si fawn, an khuapi Dubai rumnak hi chim tawn peng asi cang caah, mah lei kha cu chiah phawt ko sih, atutan cu thil an ti khawh ningtu hi langhter asi lai, an rumnak bik cu oil ngah mi ram asi caah asi ko timi cu kanrak theih ceu ko cang.


Dubai khuapi hi ei din lei ah siseh, Electric lei ah siseh, Education lei ah siseh, hramnam ngeih ah siseh, Building tha ngeih lei ah siseh, zei poh tlamtling tein angei dih ti awk khi an si, zei hmanh sambaunak an ngei tuk lem lo, sambau nak pakhat te angeih mi cu, an khuapi chung ah ruasur tlawmtuk hi an buainak tu deuh khi asi rua, atu zong rua sur lo caah nilin le ti hna thathi in an ngei lo ruang ah thiamnak hmang in rua surter khi asi.


Dubai khuapi hi alintuk ruang ah hin alin ning 122 degrees Fahrenheit (50 degrees Celsius) asi, mah caah cun minung um khawhnak ding ah cun afawi bak lo khi asi, drone technology thiamnak hmang in cloud electric shock ‘cajole them’ an tuah tik ah cun, rua arak sur bak ko khi asi, mah hi ram dang nih an ti bal rih lo mi thil asi, ataktak in rua tampi asurter khawh asi tiah thei asi.


Video footage UAE’s National Center of Meteorology hna nih anrak chuah mi ah, fur pi lio bantuk in ruah tampi arak sur taktak khi asi, UAE’s cloud seeing operations hi $15 million (£10.8m) mission tangka dih in rua surter khawh asi, mah an hmalak nak hi ah hin, mithiam hna an thiamnak cu an khuapi nih san tlai ngai in anrak hmankhawh khi asi, UAE ah hin UK nak in a let 15 in ruasur atlawm mi asi.