Ngakchia nute nih cawhnuk hrai khat a pek mi ruang ah ahnu ah aman ahmuh than mi cu, athi cang ding mi cu a nunnak chanchuah piak asi a ropi tuk hringhran,

Nikhat cu Ngakchia pate cu mi sifaktuk fa asi mi cu, siang in kal pah in thil azuar tawn khi asi, akut ah tangla pia 40 long angeih khi asi, arawl atam tuk cang caah, athil zuarnak ah aluh hmasa bik in ah cun rawl ka hal tawp ko lai tiah aruah, cun in pakhat ah cun ava lut inka onh piak tu cu Ngakchia nute arak si tik ah, rawl ei ding hal cu angam tilo aning azak caah, rawl hal tilo in ti din awk ah ahal khi asi, inka onh piaktu nute nih cun amui ahmuh tik ah arawl atam timi cu atheih caah ti si lo in cawhnuk hrai khat a pek-i adin cu alawm tuk khi asi.

Cawhnuk din pah in ngakchia pate nih cun, “Kathil din man hi zeizat dak ka bat?” tiah ati, nute nih cun zeizat hmanh ba na ngei lo! Ka nu nih midang hna cung ah dinfelnak alanghter ah hin tangka na lak bal lai lo akan ti tiah aleh, Ngakchia pate nih cun asi ah cun lungthin chung taktak ah ka lawmtuk tiah aleh ve hnu ah, Ngakchia pate Howard Kelly nih cun achuah tak ve ko, cawhnuk adin ruang ah cun thazang ngeih than in athil zuar mi zong azuar than khawh cang caah alawm ngai ngai.


Mah ngakchia pate cu ca zong arak thiam ngai caah Specialist doctor degree anrak ngeih cang khi asi, Kum tampi akal cang hnu ah nikhat cu cawhnuk petu nute cu, zawtnak tha lo ngai in a um, an khua doctor hna sin ah kalpi an si, bia tak tein an rak zoh khenh ve ko, nain um zia angei lo caah khuapi lei hospital ah refer asi, khuapi hospital hmanh ah Specialist doctor nih zohkhenh dirhmun khi asi, mah hospital ah cun zawtnak zohkhenh ding in Specialist doctor Howard Kelly cu theihter asi.

Dr.Kelly nih cun damlo min le akhua hna atheih ah cun alung afak ngai, rangtuk in room ah ava kal cawlh, ava hmuh ah cun aho dah asi timi fiang ngai in athei ve cawlh khi asi, A riantuannak room lei ah cun ava kir cawlh-i aruahnak ah cun mah adam lo mi nu cu anun chanchuah hi karian asi tiah aruah, cu pin ah athi lai lo cawhnuk hraikhat in ka nunnak arak chanh cang kathiamnak vialt te he damter ka timh lai tiin biachahnka angei bantuk in asi khawhnak chung in zohkhenh rian atuan ve cawlh ko.


Mah hnu ah cun adam lo mi nu cu thate in zohkhenh rian a awt ve cang, can sau ngai azoh cang hnu ah cun, mah nu cu thatein arak dam khawh ve cang khi asi, cun mah nu dam lo mi cu Hospital ah an zohkhenhnak “Bill” cu Dr. Kelly sin ah pawmpiak ding in kuat hmasa ta ding in Office lei ah an theihter cawlh asi, Dr. Kelly sin ah sizung umnak bill cu an kuat piak hnu ah Dr. Kelly nih azoh piak dih hnu ah, mah biil paper pawngte akil ah zei maw ca atial hnu ah cun damlo sin ah akuat than khi asi.

A dam lo mi Nu nih cun mah bill kuatnak envelop cu, zoh angam lo ngai ngai aruang cu sautuk adam lo caah bill asang ngai lai timi khi asi, tangka angeih mi le atlawmtuk fawn tik ah azoh ngam lo khi arak si, zei asi zong ah zoh thiamthiam aherh caah azoh bill cu arak si ko, mah biil paper pawngte ah catial mi te cu hiti hin asi,“Bill ah tangka pek ding mi vialte cu cawhnuk hraikhat ruang ah pek dih asi cang e” tiin atang ah Dr.Howard Kelly tiin min signed arak um khi asi.


Mah catial ahmuh tik ah dam lo mi Nu nih cun alawmtuk nak ah amithli atla ko, “ Maw ka Pathian kalawm ngai ngai e, Bawipa dawtnak cu athuk in va sang ko, minung nakan dawtnak hi amak ko e, Lalpa, ka lawm e, atu ah atak tak in arak lang chuak ko hih! tiin thla acam, Mi zangfaknak ngeih mi cung cu hnangam asi, zangfaknak arak ngah ve lai!