Ram pakhat thanchonak ding ah Economy hi biapi bik asi bantuk in Chief Economic Advisor caah Dr V.Anantha Nageswaran hi zei tluk in dah thiamnak angei?

Dr V Anantha Nageswaran cu Chief Economic Advisor of India caah thutter asi tiah, acoyah cathanhnak nih alanghter, Economist Nageswaran hi cawnpiaktu, Cabu tial tawntu le consultant rian hna arak tuan cang mi asi, India ram le Singapore ah business schools le institutes of management cawnpiaktu rian tuan cang mi asi tiah, Union Finance Ministry cathanh nak nih atu bantuk in achim,India ram Newspaper Lian tampi hna ah ram chung sawva/tangka lei ah thancho nak ding ah catial tawntu zong arak si, Chief Economic Advisor (CEA) achuak cang mi KV Subramanian kha December thla ah khan kum thum chung caah (three year term) a hman dih hnu ah hin rian tuan peng hi atim ti lo caah, nikum zo a, October 8, 2021 ah khan arak chim cang khi asi caah acoyah nih an her zong ah an hman kho tilo caah mi dang mithiam an thutter nak asi.

CEA ding ah hin Dr V. Anantha Nageshwaran pin ah Economist alar ngai mi pakhat Pami Dua, Professor, Delhi School of Economics 2, Poonam Gupta, Director General, National Council of Applied Economic Research (NCAER) and 3, Principal Economic Adviser si lio Sanjeev Sanyal hna hi chuahter an si, Dr V. Nageswaran hi Dean of the IFMR Graduate School of Business pin ah,  Visiting Professor of Economics at Korea University asi fawn, mah lio ah ( part-time member) Economic Advisory Council to the Prime Minister ah kum 2019 – 2021 chung ah khan member arak sic ang fawn, Post-Graduate Diploma in Management Indian Institute of Management, Ahmedabad in a dih fwan, (Business School cheukhat hna ah hin MBA ding ah PGDM degree pek tawn zong an um, Doctoral degree hi University of Massachusetts, Amherst in a dih than fawn, Takshashila Institution, centre for research and education in public policy dirtertu chung ah atel mi asi fawn.

Nageswaran nih hin Indian Express ah column a ngei, Naite ah khan Covid zawtnak ruang ah  economic nih ram chung sawva/tangka thanchonak ding ah, sector dang dang hna dirhmun le aherh ngai mi thil tuaktan ning ithlengter aherh tiah arak chim cang khi asi, Nageswaran nih hin cabu zei maw zat an tial cang pin ah, midang hna he an tial mi cabu (co-authored) zeimaw zat an ngei fawn, mah chung ah cun ‘ Can India grow? and The Rise of Finance : Causes and Consequences and Cures ‘ timi Cabu Guljar Natarajan (IAS officer) he an chuah than, mah pin ah nai hrawng ah khan ‘ The Economics of Derivatives’ timi Cabu zong World Bank Director arak sic ang mi, atu ah Finance Secretary riantuan lio TV Somanathan he an chuah (co-authored) fawn khi asi.

Dr V. Nageswaran Chief Economic Advisor (CEA) caah (appoint) a si mi hi hmunkip kengkip in lawmpinak an ngei, Political party dang dang hna zong nih an lawmpi ngaingai ko, mah chung ah cun Praveen Chakravarty – political economist, Congress party-ah Data Analytics department head nih, “Ananth he hin kum tampi chung kan itheih cang, article tampi kan pahnih nih hin kan tial cang (co-authored) tiah ati, CEA caah a um hi kalawmpi ngai ngai ati, Finance Ministry tang ah Chief Economic Advisor office ah mithiam ngai mi an thut ah hin ram chung Economic hi an thanchoter khawh lai tiah beiseinak sang ngai ka ngei ati, Chief Economic Advisor hi Central acoyah tang ah Secretary level bak asi.