Ram thangcho tuk lo mi chung ah hnangam nak a um deuh, ram thangcho mi hna chung ah hnangamnak a um tilo tih anung mi hriamnam angeih mi nih an hrawh te lai!

China US Taiwan iremh lonak hi asawhsawh asi ti lo,

US House Speaker Nancy Pelosi Tiawan tlawng ding kong ah, boruak aso sang tuk lio karlak ah, President Joe Biden nih President asi hnu ah vawi 5 nak Xi Jinping a chawnh, China nih Nancy Pelosi nih Taiwan tlawng a tim mi cu, Cancel ding in aduh, Biden administration State Department & The Pentagon nih Nancy Pelosi tlawng ding kong ah zeihmanh kan theihpi lo tiin achim piak, an buai deuh deuh ko cang, China nih Nancy Pelosi Taiwan ah tlang/visit ding hi an duh bak lo khi asi, an kal ah cun acit nak van lawng tiang kah piak khawh tiah ati mi bia zong arak lar ngai ngai fwan khi asi.

China’s President Xi Jinping warned Joe Biden ‘those who play with fire will get burned’ Suimilam 2 le acheu chung an ichawnh nak ah, China Foreign Ministry nih Xi Jinping nih Biden warning a pek mi long report ah an chiah, nain Washington nih cun Beijing Trade war, Russia Ukraine idohnak etc hna le thil dang zong tampi an chim tiah ati, Oval office “Taiwan bik ah cun President Biden nih Xi Jinping sin ah, United States nih policy a thleng lo, status quo thlen timnak maw Taiwan Strait ah remnak le hnangamnak in an um lio ah, an zalong nak hrawh phun phai in khuasa mi le cawlcang mi hi, ka si arem lo bik mi thil asi tiin Xi Jinping achim piak tiah ati.

Oval office nih Xi Jinping Joe Biden ichawnhnak hmanthlak hna an pek chuah, Biden nih tu zan ah President Xi Jinping of the People’s Republic of China achawnh mi ah, ram 2 hna karlak ibiakchawnhnak nih hin, thil tha achuah pi khawh ding ah kan chim hna ati, kan bia ahmuh lo mi le atluk lo mi hna hi, ram 2 karlak ah theihthiam nak aum khawh beisei asi ati.

The South China Morning Post report ah”Pelosi nih Taiwan island a tlawng ah cun, Taiwan caah thil akir than ding mi hi afaktuk ko lai, Pelosi tlawng can lio ah hin tiin Beijing nih ralkap le hriamnam hna an chiah chih deuh deuh khi asi, Taiwan straits ah idohnak van lawng tampi chung ah hin an itel ve lai, “Chieh Chung, senior researcher National Policy Foundation think tank, 2020 ah khan former US undersecretary of state Keith Krach nih Taiwan arak tlawng cang fawn Tension a sang ngai fawn kha asi.

Taiwan nih China hi an tih ve bak lo, Tiawan hi ram zalong kan si, America hi kan naih peng ko lai tiah achim ve bak fawn, China athin ahung chinchin, China Xi Jinping le US President Joe Biden nih, Nancy Pelosi nih Taiwan a tlawng ding kong ah, ram 2 karlak thil dang ah ibiaknak an ngei, China nih Nancy Pelosi acitnak van lawng ka kah piak lai tiah news adarh mi le Taiwan Strait ah raldohnak van lawng tampi chiah ding kong hna alang fawn, US nih Ronald Reagan aircraft carrier & strike group hna cu, South China Sea lei ah a kalter diam cang fawn, Xi Jinping nih Biden sin ah “Play with fire you will get burned” tiin hrocer in warning apek ve fawn.

Russia Ukraine idohnak phen ah hin China Taiwan invasion hi a phan lai lo tiah chim thiam ahar ngai cang pin ah, Boruak a lian ngai cang fawn, Sihmanhselaw mah lio karlak ah hin ram dang hna chung zong ah buainak an ngei ve ceu fawn, achan cu ram pakhat le pakhat an idoh hmanh ah hin apawngkam ram tiang buainak le hnangam lonak asi caah asi, mah long si lo in Ei le din kong ah, Economy lei tiang kan buai ve dih khi asi, atu zong ah hin “Taiwan’s foreign ministry nih America he security partnership thuk deuh kan ngeih khawh nak ding ah, hma kan lak peng ko lai tiin achim fawn, mah thawng pang cu China caah cun alungthin thirkhen piak bantuk in alinsa ko timi afiang ngai cang cu!!

China caah lawmnak ding hrimhrim a um lo, US House Speaker Nancy Pelosi nih Taiwan tlawng a tim ruang ah, Beijing nih fak nawn in warning apek diam, Washington nih USS Ronald Reagan aircraft carrier & strike group hna  South China Sea ah an kalter mi cu, China’s Foreign Ministry nih US nih an hriamnam ngeih that zia show nak asi tiah a puh, nain US Navy Commander Hayley Sims nih Ronald  Reagan strike group hna hi ‘operation tuah ning tein le routine patrolling asi’ tiah ati piak, Chinese FM spox Zhao Lijian “South China Sea & Asian region lei ah, buainak tuahtu lian bik cu AMERICA an si afiang ko ati.