Thawngpang thanh ding in thaizing ah ralkap hna nih antuah lai, thawngpang tial mi hna sawm an si aho hmanh kal lo ding in nawlnak an tuah,

Thaizing ah military hna nih Press conference an tuah nak ah Media hna sawm an si, aho hmanh kal lo ding in, Mandalay Task Force nih theiternak faktuk in an chuah aho hmanh Media hna kal lo ding in, akal mi nan um ah cun chinchiah nan si lai, nan caah atha lai lo an ti.

News media hawi hna thaizing ah Miliary council hna nih Press conference tuahnak ah, Media hna sawm nan si timi kanrak theih, atu can hi mipi nih kan thim mi politic Leaders hna tlaih in, nawlngeihnak an lak piak hnu ah Military nawlngeihnak hi aho ram hmanh nih acoyah tiah confirm piak asi lo, timi Media lian hna nih nan theih ceu ko lai, mah caah cun mah press conference nak ah kal lo ding in nawl nan si.

Military hna hna nih Media hna hmang in acoyah asi taktak timi phuan an duh ruang ah le mipi hna nih military council cu acoyah ah pawm support ding in thil tuah timhnak asi, mah caah cun military hna hi acoyah asi lo timi le ninglam lo in nawl chuh piak asi timi hi kan duh lo nak langhter ding in Media hna zong kan in sawm hna, aho hmanh kal lo ding in hramhram in kan in nawl hna.

Mipi lei nih military council nih zei an chim zong ah, zumhtlak an si lo theih ding tlak zong a um lai lo timi hi ram theih hna ulaw, mipi caah santlai ding le aherh mi zei hmanh an chim lai lo timi hi rak chim kan duh hna, mah caah cun mipi lei zong aho hmanh kal lo ding in kan nawl hna fawn, akal mi an um ah cun kanrak chin chiah lai caah, nan caah cun kal lo kh atha bik ko lai timi hi ram kan theih piak u ati.

Mipi ai awh asi lo mi nih mipi awka cu zei hmanh an rel piak lai lo timi cu afiang ko, Cun News Media hna zong mah military press conference ah akal mi nan um ah cun nan caah atha lai lo, ning cang lo in nawlngeihnak ala tu military hna support nan pek tinak asi lai caah, nan kal lo hrimhrim hi atha lai tiah, mah theihternak hi kan dih lak thatnak caah asi timi hi nan theithiam ko lai, military nawlngeihnak hi pawm piak asi ah cun atu nak in harsatnak nganpi kan ram nih aton lai, aruang cu media hna bia hi mipi nih an thei tik ah ataktak bantuk in anrak ruah tawn caah asi.
Mah theiternak kong hi page le FB kip ah share rak tuah hna uh,

Sd-Secretary, Chin Zapauva