The Iron Curtain an timi Union of Soviet Socialist Republic (USSR) lio ah anrak thawn ning le US he top ram si veve acuh lio can le USSR hi zei ruang ah dah arak tlukchiat??

Union of Soviet Socialist Republic USSR hi 1922 in USSR tang ah um dih in anrak thawng ngai ngai mi ram pakhat arak si mi cu, 1991 ah khan thendarh in anrak um kha asi, mah Soviet Union (USSR) ram kau tuk mi, Europe khuapi chak lei ram vialte tluk ah kau le ram ropi tuk mi le thawng ngai mi, global super power cu kum 70 hrawng Upa asi, athawn lio ah cun vawlei ram aho hmanh nih ngamh an um lo tluk khi asi, mah lio bak ah cun zei maw ruang ah ram thendarh/tluchia khi arak si, zei dah aruang timi hna kanrak langhter lai.

Mikhail Gorbachev, Soviet Union ahnu bik President kha kan hal ah cun “Soviet Union thendarh asinak chan cu, Chernobyl nuclear power plant disaster ruang ah asi ati ko lai, a chan cu mah nuclear power plant disaster in kum 20 liam cang 2006-ah a ram tlukchiatnak chan an hal ah khan Chernobyl ruang ah asi tiah an ti ko kha asi.

April 26, 1986 ah Chernobyl nuclear chiatnak rapthlak tuk mi achuah ah khan Gorbachev nih May 14, 1986 ah khan a vawikhatnak public speech angei ah khan, a dawhcah khawh bik in phuan in, vawlei hmaika ah athup khawhnak ding ah thlang lei ram hna cu Lih chim ah arak puh bak ko kha mu! Asi nain nuclear thahrizam radio-active tuk ruang ah thil tha lo rak chuak peng in, ni fatin tein thup khawh lo in arak lang peng ko khi asi, mah radio active zungzam hi Hiroshima ah nuclear bomb an thlak mi radio active thahrizam darh nak in alet zali (400) tluk thawng khi asi.

Mipi nih bia dik arak theih deuh deuh peng ko, Acoyah nih mipi theih lo thil thup le chim lo an ngah zia, Lih in ram an hruai ning vialte le a phen ah an ram hruaitu hna corrupt tuk mi tang ah anrak um khi asi, ‘Glasnote policy’ hna in anrak hlathlai ve peng fawn hna,’Glasnote policy’ hi Gorbachev policy tuah mi asi, atim bik mi cu freedom of speech, press & religion hna cu kau deuh in kalpi kha asi, transprency langtlang acoyah dir in mipi hna zalong tein nun khawhnak ding hi asi ko, mah policy hmang in acoyah cu thup khawh lo in mipitu nih arak nawr hna tu khi asi tik ah, thil an thei lo ding mi anrak theih hna kha asi.

Gorbachev- USSR caah cun thil arak poi ngai khi asi, achim bantuk in Chernobyl chiatnak kha phan lo selaw mipi zong nih zei hmanh an thei lai lo khi asi, mah policy long si lo in policy dang Goverchev tuah thiamthiam ‘Parestroika’ polcy a um ve fawn, a tim nak cu New economic system, atu ah China acoyah nih an kalpi mi, mixture of communist & capitalist structure hi asi, vawlei cung ram dang hna he bussiness/sumdawnnak fakpi in kalpi ding le arum mi ram dir an tim mi khi asi, cu pin ah multi party system ah election ngeih mipi hna duh thim khawhnak pek, democracy lei deuh phun in asi, mah caah cun communist dirhmun derthawngtertu arak si.

Policy tha ngai bantuk in lang hmanh ah sualnak lam zawhpi tu asi, Mipi hna nih acoyah tlukchiat ding cu arak hmuh piak ve ko khi asi, acoyah ah zumh ngamnak an ngei lo deuhdeuh khi arak si, Ralpi II nak ah khan tha ngai bantuk in alang ko nain, khawkhan lai relnak policy a that loh ruang ah, Soviet Union cu economic ah a niam chinchin ko cang cu, 1970 hrawng ah khan thanchonak hram athawh cang ko lio ah, Afghanistan buainak ah khan Afghan cu anrak thuat hna, atu ah US bantuk in tangka tamtuk dih in, an ram mipi hna nih mah communist acoyah tang ah um peng hi an duh ti lo kha asi cang.

Acoyah nih lam tampi in ram sersiam than ding ah kar athlang ve ko nain tlamtlingnak angei kho ti lo, 1989 ah cun Warsaw pact tang ah Soviet Union tuanpi mi ram Yugoslavia, Czechoslavakia le Poland hna nih cun, Warsaw pact chuah tak in mah tein i-uk ding ah khawkhan lairelnak arak ngeih ve cang khi asi, communist hawitha Romania etc zong asi, East Germany zong West Germany he ram pumkhat si than ding in, Berlin Wall chutchiat-i thlanglei ram hna cu democracy ram siter ding ah arak tim ve lio khi asi ve fawn, USSR chung ah miphun le miphun (ethnic violence) karlak buainak arak um ve kha asi, sersiam timnak lungthin zong a um ti lo, An economic thanchoter le USSR thendarh asi ding mi vennak ding ah, Gorbachev nih thlanglei ram USA etc hna he tuantinak tha ngeih ding in hma lak atim ve cang.

US he nuclear arm race an ngeih mi zong withdraw asi lai tiah a kam, vawlei hmun kip ah ralkap chiah mi zong tlawmter, Afghanistan in millitary withdraw ding akam ko nain, USA nih azumtuk lem lo khi asi, mah ruang hna ah cun Warsaw pact-ah tuanti mi ram hna nih cun, inghahnak tlak asi tilo timi cu an theih deuh deuh an fiang deuhdeuh tik ah, USSR President hmasa Stalin kha cu mah lio ah khan hriamnam le ralkap tha ngai in ngeih phawt hi asi, adawtnak ah, economic thanchonak ding ah kalpi hi asi, mah ruahnak cu adik ngai ko nain, Gorbachev a ‘Parestroika’ policy nih millitary lei kaltak deuh in, economic lei amer cawlh khi asi caah, 1985 ah 5.3 million ralkap ngei mi kha 1989 ah cun 2.7 million zong an phak tilo kha asi.

Mipi hna nih buainak chuahter in Communist party opposition hna nih acoyah cu hlonh “Coup” an timh fawn, Soviet Union nih suimilam ahnu bik ding anrak hmang aherh cang, Dec 25, 1991 ah President Mikhail Gorbachev nih vawlei hmaika ah “USSR is no more” (USSR ni adongh cang) tiin arak phuang kha asi, Zanlei suimilam 7:32pm asi ah cun Soviet flag cu lak asi cang hnu ah, Russian Federation flag cu Kremlin building cung ah cun “Tar” arak si cang khi asi.

Note: Map kan chiah mi hi USSR map asi, mah pin ah Warsaw Pact tang ah an tuanpi mi ram Czechoslovakia, Poland, East Germany, Hungary, Romania, Bulgaria, Albania hna an um, Warsaw Pact hi USSR a kekkuai dih hlan July 1, 1991 ah khan formal bak in hrawh asi. Cacawn lio mi student caah history theih hi arak pawimawh ngai khi asi, Current event fiang ngai in theih ding ah cun, history theih hi apawimawh ngaingai khi asi, student asi lio mi hna caah thahnemnak a um ve lai tiah.

Cre: Moses pa