Tih arak nung mi Greek Nu Medusa kong cu, Greek mifim pawl nih atu tiang ah a kong an buaipi rihnak tuanbia roling,

Mesdusa hi Greek tuanbia vawlei nih anrak theihtuk mi asi, vawlei nih anrak theih lar tuk mi asi, Amah hi ‘monster’ phun khat Gorgon a si, sam a ngei ning ah Rul sam a ngei khi a si, A lu cu Rul long in akhat ko, Rul sam an suk bal hnga maw? a it kho lai maw? Rul hna nih hin an cuk ve lai maw? Cheu khat hna nih Muidawh ngai mi asi an ti lio ah cheu khat nih, a mui nih mit ala lo duh a nung lo ti phun in chim mi zong an um ve, A lu ah Rul um mi vialte hna hi tur/poison ngei mi asi dih fawn, cheukhat chim ning ah cunThla/wing a ngei a zuang khawh an ti fawn khi asi.

Medusa hi a hmutu hna hi cu lung ah an cang cawlh peng an ti, Cu caah amah nai nak ah kal ding ah cun mitchin a herh an ti fawn, A thil tihkhawhnak faktuk ruang ah hin, ‘monster’ chung zong ah an tih bik mi pakhat asi tiah an chim, A thil tihkhawhnak hi amah caah cun vanchiatnak phun zong in chim khawh asi, Pasal ca zong ah mitcaw mi long a ngei khawh lai, cu hmanh ah Rul nih a cuk lo ding si a herh, Nupa nun hman ding zong ah Rul tampi karlak ah raltha si bak a her lai, Thah an tim peng tawn cang nain, tlam atling bal lo khi asi, fo thin a, Sihmanhselaw Perseus arak chuak mi nih, Pathian bawmnak in Medusa hi a tei khawh hram kha asi.

 

A lu tan piak in lu bung cang mi hmanh ah, a lu zoh mi poh  cu lung ah an cang peng fawn thiamthiam khi asi, An ithuat nak ah hin Perseus nih cun mit lawng in a zoh lo, savun phaw thlalang bantuk hmang in, Medusa lu hi Ngunhnam in an tan piak mi kha asi, An chim ning ah cun Medusa hi a hmasa ah cun hi bantuk hi asi lo an ti, Poseidon he an iduh khi asi, mah hi Pathian dang hna nih cun an duh lo ruang ah an hrem tiah an ti, A hmasa ah cun Nu muidawh ngai le sam buang/brown ngei in adawh ngai mi asi an ti, Hlan lio tuanbia ah cun Africa ram ah Medusa hi a tlawng lio ah, A lu ah tur/poison ngei mi Rul pakhat hi a tla khi asi, cun alu ah bu ngei in, a lu ah cunn Rul dang anrak hrin/chuak chih peng asi tiah an ti.

An chim ning in Perseus nih khan Medusa lu a tan piak hnu ah hin, a lu lei in Rang thla ngei Pegasus cu arak hrinchuak tlat ko, cheukhat chim ning in Medusa lu cu Athen sin ah pek siin, Athen nih hin a Àwmphaw hmai ah arak chiah, tuanbia dang ah cun, Perseus nih hin Greek Island pakhat Argo ah Medusa lu hi a phum/vui asi tiin an chim, tuanbia dang pakhat ah cun Athen nih cun Hercules sin ah Medusa sam tlawmmpal a pek, Hercules nih cun Cepheus fanu Sterope a pek ve than, hi a pek chan bik hi thuat atawn mi, Tegea khua venhimnak caah asi an ti, Hi Medusa lu bung nih hin thlipi fakpi in tuah in Tegea khua hi a venghim khi arak si ati.

Medusa nih hin unau pahnih a ngei, an pa hi rilipi Pathian Phorcys a si, cheukhat chim ning ah cun amah hramhram in anai tu hna lak ah, iven khawhnak ding ah Athen nih cun hi bantuk monster in a canter tiah an ti ve than fawn, Medusa hi Phorcys le Ceto fanu a si, A nu le pa hna hi, minung an si lo, Rilipi Pathian an si ve ve, Sarpedon Island ah arak chuak/hrin in, Unau nu pahnih Stheno le Euryale hna a ngei fawn, mah pahnih zong hi Medusa bantuk in hrem an si ve thiamthiam an si ve, An chim ning ah cun, Athen Temple cu a taksa hmang in thurhnawmter asi, mah ruang ah hin Athen nih cun serchiat atuah caah, tih anung mi le mi nih anrak tih mi a si tiah an ti.

 

 

Stheno le Euryale nih cun minung an that peng tawn, An unau pathum chung ah hin Stheno hi a sual bik fawn, Medusa hi Mount Olympus ah um Pathian (Goddess) Athen- caah riantuan ding in an ipek kha asi, mahruang ah virgin a sip eng a her, Temple ah cun Nu Tlang Bawi arak si, nain, a mui dawh lotuk ruang ah le an riantuan piak, Athena- riantuantu asi ruang ah, Pathian dang Poseidon mit a lak ngai khi asi rua, Medusa nih hin Athen temple hi chuahtak a tm lo, Poseidon nih hin san tlai ngai in hman atim ko hmanh ah, Athen caah zum tlak bak asi, nain, Poseidon nih hin Athen temple ah luh hnawh in arak tlaihhrem/nupa nun ahmanpi kha asi, Medusa hi fa arak puai tlat ko cang asi.

Athen sin ah bawmnak le ngaihthiam zong a hal, nain, atu bantuk in temple duhtawk in a thurhnawmter caah hin, Athen cu a thin ahun ngai ngai, Cun, Medusa cu a hrem thiam2 ko, Perseus nih Medusa lu a tan piak hnu ah, a lu bung in a fa hna anrak hrin cawlh, Pakhat cu Pegasus siin, a pahnih nak hi Chrusaor a si, chim ding atam ngai ko, a thih hnu zong ah, a lu hi cu tih a nung rih ngai peng ko, A lu ngeitu hna reng reng nih hin a lu thil tihkhawhnak hmang in, an ral hna hi an tei peng tawn, A dam lio ah mi nih an tih ngai ngai mi le an doh ko hmanh ah, a thih hnu ah cun venhim herh mi venghimtu a si tlat ko, A lu cu Athen Shield (Awmphaw) ah chiah asi ruang ah, ral hna teinak caah san tlai ngai khi asi, A thisen zong nih thil a ti khawh ngai, thihnak le damnak a ken tel tlat khi asi.