Uganda ram hi sifak ramchung ah a tel tawn mi kha asi atu ah hin anram vawlei tang ah Sui/Gold 31 Ton million hmuh asi aturu tuk ning cu khuaruah har thil asi,

Uganda ramchung ah Sui/Gold 31 Ton million hmuh asi,

1. Uganda nih Sui/Gold ton 31 million cawh ding angei, Uganda Energy le Mineral Development Ministry thawngthanhtu nih Solomon Muyita nih Reuter ah achim ning in, Uganda nih Sui/gold cawh ding ah ton 31 million an ngeih mi cu Sui longte (pure gold) cu ton 320,000 rit dollar trillion 12.8 man hrawng cawh chuah ding, an ram ah an hmuchuak thar tiah a phuang bak ko, Uganda nih hin kum 2 kal liam cang hnu in van boruak in (airial exploration) hi arak tuah cang khi asi, mah zatzat Sui anram vawlei tang ah um mi, an hmuh mi cu turu tuk mi thil asi, mah Sui tampi vawlei tang ah um mi hi Karamoja hmun, an ram thlang chak lei Kenya he ramri nai nak lei ah, an hmuchuak tambik asi tiah report ah an langhter mi asi.

Mah Sui tampi an hmuh mi hi cawh chuak ding ah hin, Uganda acoyah nih cun China firm pakhat Wagagai Gold Mining Company cu (licensed) kum 21 chung caah (21 year lease to mine) arak pek cang tiah theih asi, mah Chinese Firm nih hin tukum kum dongh lei ah hin cun, nichiar in Sui/gold 5,000 kg cawh chuak in, gas ah thianghlimter cawlh khawh ding ah an zumh, mah zatzat an chuahter khawh ah cun Vawlei pumpi Sui/Gold sumdawnnak adangter ngai pin ah ramrum bik dirhmun ah a dir ko laik hi asi.

2. Ukraine le Russia hna thawng pang thar cu,

(a) Ukraine nih cun US pek meithalpi lian ngai mi phun le hmun hla deuh deuh kap khawh mi, High Mobility Artillery Rocket System (HIMARS) cu  June thla alai hrawng in an hman hnu ah cun idohnak zong adang ngai ngai ko cang khi asi, Ukraine nih hin mah meithalpi arak phan mi hi, an lawm ngai ngai, arak phan hlan zar khat hrawng ah khan Zalensky zong a holh duh ngai cang khi asi, Russia nih Ukraine ram a lak mi ah, hriamnam hna hna chiahnak ah an hman mi hna cu, kah hmasa piak leng mang khi asi, an tim peng fawn rih, atang lei ah mi hna hi Russia hriamnam chiahnak (military depot) Ukraine nih an thuat ning hna khi asi.

(1) Russia nih Ukraine hram thawh athuat hmasa lio ah an lak mi, Nova Kakhovka khua ah Russia hriamnam chiahnak cu ni 29 June ah khan Ukraine nih a bomb chiat piak, mah ni thiamthiam ah hin Russia nih an lak mi Kherson Railway station pawng ah Russia hriamnam an chiah nak lian ngai mi cu, Ukraine ralkap hna nih an bomb chiat piak fawn.

(2) Russian 20th.Combined Arm Army nih hriamnam an chiahnak caah an hman bik mi, Izium depot cu June 29 ah khan Ukraine nih an bomb chiat piak.

(3) July 2 ah khan Papasan khua Luhansk Oblash ah um mi, Russian Supply Depot cu Ukraine nih an bomb chiat piak.

(4) July 4-ah khan Russian hriamnam chiahnak Snizhne khuapi ah um mi cu, Ukraine nih an bomb chiat piak fawn, mah ni thiamthiam ah hin HIMARS M30/M31GMLRS rocket hmang in, Melitopol ah Russian ralkap hna umnak cu, Ukraine nih an bomb piak, Cun Russian Command post, transportation, barrack Yasynuvata le Kadiivka ah um mi cu, an bomb fawn, mah ni thiamthiam ah hin Donetsk ah Russian hriamnam chiahnak hmun 3 an bomb piak fawn khi asi.

(5) July 5-ah khan Russian truck repair-nak lian tuk mi hmun Ukraine nih an bomb piak.

(6) July 6-ah kahn Russian hriamnam chiahnak hmun Makiivka ah um mi cu Ukraine nih an bomb fawn.

3. July 10 ah khan Ukraine Arm Force Staff Report cu:- Ukraine Arm Forces General nih Russia nih Ukraine athuat/doh nak thawk in July 10 tiang Russia ralkap hna thih ning le hriamnam an kah chiat piak cang mi, an sung cang nak report ning in:-
4. Rlak thi cang zat : 37,300.
5. Tank sung cang zat: 1,641.
6. Armored Fighting vehicle sung cang zat: 3,823.
7. Artillery systems sung cang zat: 834.
8. Multiple launched rocket systems sung cang zat: 247.
9. Air defence system sung cang zat: 108.
10. Helicopter sung cang zat: 188.
11. Van lawng sung cang zat: 217.
12. Drone sung cang zat: 676.
13. Lawng (boat) sung cang zat: 15.

Mah hna vialte hi Russia nih an sung cang mi zat hna cu asi, an General/Colonel 60 athi cang fawn, mah report hi Ukraine nih nichiar in record an tuah nak update peng mi asi, mah hi a hnu bik report ah an langhter mi asi.