Vawlei cung ah Mathematic tuak ning rangbik le thiambik lak sawng ngah mi Mr. Neelakantha Bhanu Prakash India cu,

India ram Mino pakhat Neelakantha Bhanu Prakash kum 20 asi mi cu, Math tuaknak ah lungthin he atuak ning le aran ning cu Vawleipi champion puai tuahnak ah tel ve in India ram caah a voikhatnak ah Gold Medal arak ngah bak ko, Mathematic subject hi tuak ning pakhat te asi tiin zeihmanh tihnak ngei lo bak in tlamtling asi.Math long long hi aruatnak ah a um tiah mi dang hna nih an theih mi asi, atu ah cun vawlei cung ah math tuak rang bik minung pakhat arak si cang, tliknak ah pakhatnak hmuh mi hna cu zei hmanh hal ding a um lo, Lungthin he Math tuak ning ah cun bia hal ding a umton tiah Prakash nih cun ati.

Vawlei cung ah tlik puai champion ah minung pakhat metres 100 cu 9.8 second ah atli khawh mi hmanh thangthat upatnak kan pek, asi nain vawlei cung ah motor, van lawng hna a um lio ah tlik thawng timi cu zei tuahnak dah asi lai timi hi aho hmanh nih bia halnak an tuah bal lo tiin Prakash nih BBC Radio 1 Newsbeat he bia halnak room ah a chim mi asi.

Prakash hi kum 5 asi in an cawlcang nak ah aril sual caah alu ah hriamhma a um caah kum khat hrawng ihkhun cung ah can ahman mi asi, mah hnu ah khuaruah har ngai in Math tuak ning hram thawhnak khi asi, hriamhma ruang ah thil theihnak atlau ko lai tiah a nu le pa hna zum ning asi, asi nain ka thluak le lungthin nih Math tuak ning rian cu exercise karak tuah khi asi tiin Prakash nih a chim.

Prakash nih high school akal lio zong tlamtlingnak tampi anrak ngeih cang khi asi, Bookroom hna ah cabuai cung hna ah thut bu in ca byheart bantuk asi lo, lungthin taktak in thil tuaktan hi biapi bik in katuah ton mi asi, Math hi rang deuh in tuak khawh long si lo in rang deuh in ruah khawh ding zong ah katuak tan ton mi asi ati, ahmet lio ah Prakash cu Siangin kai dih hnu alenglei can ah nikhat Suimilam 6-7 chung hna Math exercise katuah ati.

Prakash nih video hlasak hna fakpi in sakter, mihna he bia chim lio, creket khel lio zong ah Math cu lungthin in exercise katuah peng ve ko, aruang cu mah lio zong ah thluak nih rian phun tling antuan ve khi asi ati, voikhat tein ali 48 hi kathiam cawlh ko, alenglei motor hna ka cit lio zong ah mi hr bia ruah pah in motor number hna le thil dang dang hna khi lungthin chung in katuak peng ko mah cu thluak exercise asi ati.

Vawlei cung ah math thiam hi biapi ngai le aherh ngai mi thil asi bantuk in atu ah cun Prakash cu vawleipi theih ding thil 4 angah hnu ah thil dang lak sawng zong an ngah tiah an chung hna nih an chim, mah bantuk lak sawng hna hi hmuh ding in karuat bal lo, atu ah cun vawlei theih in math tuak ning rang bik minung pakhat arak si cang khi asi.

Ref:BBC