Vawlei cung ah mirum bik chung ah atel ve mi Biil Gates hi, tu hlan ah sifaktuk dir hmun ah an dir lio News paper rel aduh tuk, cawknak angei lo zei tin dah asi??

Vawi khat cu media nih amah an kawmnak ah, ‘Nangmah nak in mirum an um lai maw? tiah ahalnak cu “Aw, um ko e” tiah ati, Kei cu mi sawhsawh ve mai kasi lio ah, vawikhat cu New York Airport-ah News paper zuartu pakhat he kan iton, azuar mi news paper cu rel ka duhtuk nain cawknak ding ah tangka ka ngei lo khi asi, news paper zuartu pa sin ah cun rel ding in rak kan hlan ta law ka rel dih hnu ah kan pek than te lai tiin ka hal, cawk her lo in akan pek ko!

Khuaruah har ngai mi cu thla hnih thum hnu ah, mahka hmun ah cun ruah lopi in kan iton than, News paper azuar mi cu pek akan timh than, kei nih cun tangka ka ngei lonak kong thiamthiam in ka leh than, mah pa nih cun kha lak ko kazuar ding mi hna cu ka zuar dih ko cang, mah hi cu keimah miak/hlawk mi asi cang ka cawi belh lai lo tiah ati caah lawm ngai ngai in ka lak ve fawn khi asi.

Kum 19 hrawng a liam cang hnu ah cun, mirum dirhmun ah karak um ve khi asi cang, Vawikhat cu hlan lio ah News paper azuar tawn mi cu karuahnak ah arak lang khi asi, kum khat le a cheu hrawng chung ka kawl hnu ah cun vanthat ah kan iton than caah mah lio ah cun:-
Bill : nih na kan thei rih maw?
News : ‘Thei e, Bill Gates-kha nasi ko cu!~
Bill : ‘A si ah News paper vawikhat naka pek mi kha na thei rih maw?
News : ‘Thei e, vawi hnih kan pek ko!
Bill : Thil na kan tuah piak ruang ah khan chamh/bawm ve ka duh, Na duh mi poh chim law, tlamtlingter ka duh tiah kati.

face portrait of a cheerful smiling senior man

News : Asi ah cun ‘Ka pu lawm umtuk e, asi nain, karak bawmh ve bantuk khan na ka bawm khawh lai maw? tiah ati, zei ruang ah maw? ka ti? ‘Kei nih cun mi sifak kasi lio ah kan bawm ko khi asi, nang nih cun mirum nasi hnu long ah bawmh nakan tim cu te, a tluk lai maw? tiah akan ti!
Bill nih : Mah pa nih hin reithei sifak lio hmanh ah mi dang bawm duhnak lungthin angei mi hi, kei mah nak in a rum deuh ko! tiin aleh hna khi asi.

Note : Mah bia nih akan cawnpiak mi cu, mirum diktak cu tangka sawva ngah ah si lo in, chunglei nuntu ah a um timi le midang hna bawmnak thinlung ah mirum si hi vawlei cung ah biapi bik ko tiah theih peng ding in Bill Gates nih a chim ve bak ko.