Vawlei cung ah phuba laknak ah tlamtling bik um chun cu Israel asi bantuk in turu tuk mi ” Operation Gift” timi cu,

Operation Gift hi 1968 December 28 ah Arab pawl lak ah Israel Defence Force (IDF) Special Force ‘Sayeret Matkal’ hna phuba laknak asi, atu tan Beirut Airport anrak thuatnak kong asi, Sunday 13th June 2021 ah Israel Prime Minister adin cang mi, Benjamin Netanyahu zong arak tel ve bak khi asi, Lt. Col Yonatan “Yoni” Netanyahu, Operation Thunderbird 1976 ah Entebbe airport (Uganda) an thuat lio ah, Israeli Elite Commando ‘Sayeret Matkal’ commander, a thi chun te kha Benjamin Netanyahu a nau pa asi timi cu kan theih ceu ko lai.

July 22, 1968 ah khan Israel vanlawng Hijack mi cu, Algier ah hramhram in tum ter asi, mah hnu thla 4 nak ah November 26 ah Athen airport, Rome akal ding mi vanlawng El Al flight cu terrorist pahnih nih autometic meithal in an kah hna ah khan, Israel mi pakhat nunnak liam in steward pakhat nih hliamhma angei, vanlawng zong achia dih khi asi, People’s Front for the Liberation of Palestine (PFLP) Beirut an headquarters bia thanh tu nih an thil tuah mi asi tiah aphuang cawlh.

Israel acoyah mit naute antongh piak bak khi asi ko cang, War cabinet thutnak ah an ceih mi cu, Arab ram vanlawng hijack tiah an ceih ko nain, Beirut Airport ah Arab ram vanlawng hna chiatter piak ding ah, an elite commando Sayeret Matkal hna cu luhter ding ah ceih than asi, Beirut International Airport hi Rosh-Hanikra, Israeli-Lebanon border in thlanglei deuh 90Kms hla asi, Beirut in chaklei ah um mi tipi in 2Kms hrawng longte hla ah um mi asi, Beirut Airport hi security guard 90 hrawng nih shift thum then in an kilh ven mi asi, apawng 3Kms ah Lebanese Army commando company an um fawn, an Armored Car Mobile Gendarmes Unit le military forces hna hi suimilam cheu chung ah arak phan ding ah ruah asi, acan limit ngai.

Saturday, 28 December ah operational task force hna cu Ramat-David Airbase ah an thil tlamtling he mission ding ah, Arab ram Airlines vanlawng atam khawhnak chung ah chiatter, millitary installation thuat, millitary aircraft arak um ah cun ate bik in alian bik tiang chiatter dih, Civil mi nunnak nih atuar ve ding asi lo etc. mah cu briefing ruahmanak asi.

8:37Pm ah Ramat David Air Base in elite commandos hna cu hmun thum ah Uzi Force, Digli Force, Negbi Force tiah then in mission location ding ceu ah kal in, Super Frelon le Bell helicopters hmang in an chuak hna, radar tlaih khawh lo ding in niamte in an mawng hna, Beirut Airport cu an pan cuahmah ko cang, mah lio ah hin Israel Naval Force hna nih cun an Torpedo boat pahnih, Saar class missile boat pali le rubber dinghies 13 hna he naval commandos hna nih cun airport pawng tiva pawng ah an kal lio khi asi.

9:18Pm. Beirut Airport cu an phan cang hna, hmun thum in thuat ding asi, an țum hlan te ah Lt. Col. Eliezer (Cheetah) Cohen nih an mission, blockade sersiam ding in smoke granade 95 le smoke flares 20 cu an thlak hnu ah cun, northern & southern perimeter hna cu arak khuh dih hna, cak deuh in an zuang-i, Airport kalnak lampi ah cun thir/ perek tuah mi hna cu tamtuk khin an thlak than hna, mah thir nih hin airport lei pan in akal mi Car 6 hna cu kal khawh lo in dinter khi asi, cu pin ah Airport in achuak ding mi motor pakhat nih traffic jam ter chih asi, ralkap motor pakhat traffic jam hel in Airport lei hramhram in akal mi cu, Cheetah Helicopter pakhat Airport cung hrawng hel in azuan peng mi nih, warning shot a pek hnu zong ah akal caah kah asi.

Uzi Force: Supporting helicopter bohchannak tang ah Uzi Force hna western runway lei ah rangtuk in cawlcang cawlh in perimeter an ven cawlh hna, Arab vanlawng an hmuh mi poh poh cu, explosive charge hna cu, vanlawng umnak chak le thlang ah a um mi vanlawng vialte ah bomb kamh piak in, an puah ter taktak cu vanlawng ke hna cu awrh lei le ke lei hna ah, adarh dih hna pin ah meialh kar lak ah cun an zuang atlu mah thil tuah mi cu tih nung tuk khi asi ko, mah lio ah Arap hna cu zei tiphun zong in an cawlcang kho bak ti lo, motor pakhat alang mi cu warning shot pek asi alang tilo, zeithil dah asi tiah zoh ding in worker pakhat arak lang cu, acung in uzi mu rual arak zuangter cu alang than duh ti lo khi asi.

Digli Force hna hi chak lei runway in arak lut cuahmah ve hna, Arab airliner pali arak dir mi hna tang ah bomb an kamh ve fawn, mah lio ah passenger building chung in arak kaptu a um khi asi, Nain sub-machine gun he an leh hna cu daidep in a um ko, Airlines cu Uzi Force hna tuah bantuk in bomb puah dumdum peng khi asi, Arap vanlawng hna cu alu le ataw tizong theih khawh tilo in apher dih khi asi cang, Israel nih mah phuba an lak mi cu minung thisen si lo in, Meialh le vanlawng khangh thawng khi asi ko, rapthlak bak khi asi, Mah operation ah hin Middle East Airlines MEA le Air Libea vanlawng 14, cu hrawh piak in, Dollars 42-44 million man chiatter asi, Israel hi cu arak turu bak ko hih!