Vawlei cung ah Tidil/lake thianghlim bik cem umnak Nelson Lake National park dawh ning hi khawika ram adah a um?

Mah hmun hi ‘Nelson Lake National Park’ tiah an ti mi asi, New Zealand ram chung ah um mi asi, Kum 1952-ah ‘National Parks Act’ an tuah hnu ah khan mah ‘Park’ hmun dawh le nuam ngai mi hi dir arak si, mah ‘park’-ah hin Beech ramhring le vur/snow nih akhuh mi tlang hna zong dawh ngai tein adir mi khi asi, Ruam le tidil zei maw zat an um fawn, Hi tidil naih biktu khua hi Nelson khuapi khi asi.

Mah ‘park’-ah um mi Nelson tidil ti hna hi vawlei cung tidil chung ah, thianghlim bik tiah anrak chim mi khi asi, mah ‘park’ kau lei hi 1019 Sq.Km a kau mi asi, hi ‘park’-ah hin tidil lian tak tak mi pahnih um in, Rotoiti le Rotoroa-hna hi an um, mah hmunhma hna ah um mi tlang hna hi, Mount Magdalene, Mount Ella le tlang dang dang hna zong a um mi khi asi, Mah ‘park’ thlang lei ah hin ‘Victoria Forest Park’ um mi asi, chak lai ah ‘Lewis Pass Scenic Reserve’ le ‘St.James Conservation Area’ a um fawn.

Mah ‘park’ kau ngai mi ah hin ‘Hiking’, ‘Camping’ le Nga/fish tlaihtu hna hi an tam ngai fawn khi asi, mah pin ah hin ‘Skiing’-hna zong an tam ngai an taima ngai ngai fawn hna, mah ‘park’- hmunhma ah akal mi hna hi an tlunnak ding, Buk (Hut) zong 20 hrawng sak asi fawn, Angelus Hut an timi le bang cu passenger hi an tam ngai ngai tawn khi asi, mah hmunhma le boruak hna, sik/sa/lum hna hi a thlen peng khawh asi ruang ah hin, zeitik thla adah kal can asi timi hi a um lem lo, kal peng khawh khi asi.

Mah ka hmunhma hna ah hin saram phunphun hna zong nih umnak ca ding le ei/dinnak hmun caah an hman pin ah, an tam in an inuam ve ngai ngai hna khi asi ve fawn, New Zealand Wood Pigeon an timi Kereru va/birds an um fawn, Va/bird phun khat aphun atam ti lo mi, Parakeet an timi hna zong zeimaw zat hi a um fawn, Parakeet ah hin phunthum a um, mah hna cu Yellow-Crowned Parakeet, Red-crowned Parakeet le Orange-Fronted Parakeet-hna an si, mah pin ah hin Va dang Kalapo, South island Robin le Western Weka a um fawn khi asi.

Laiking phun khat Cupola Gecko a um fawn, Bak va phun khat ‘Long-tailed Bat’ pin ah Kaka va tampi a um fawn, mah hna pin ah hin varak phun khat ‘Blue Duck’ a um fawn, ahmuhma hna hi athiang ngai ngai mi asi, thur hnawm ti bantuk hna hi hmuh ding a um ve lo khi asi fawn, Boruak thiang le dawh, ti hi athiang ngai ngai fawn, Boruak thianghlim le akal mi hna cu thadamnak asi, lung nuamtertu asi, atheih mi poh poh nih cun kal an duh ngai ngai tawn khi asi, amin athang ngai mi zong asi.

Nizan news ah kan langhter cang bantuk in Ukraine Grain zuarchuah khawh ding ah iremhnak an sign hnu ah Russia nih an kah than ruang ah ralpi rim anam ko cang UN zong an khuaruah ahar cang,

Tu lio kan vawlei dirhmun hi atha tuk lem ti lo, Russia le Ukraine Idohnak ruang ah Odesa ports block mi cu, nizan ah khan Russia, Ukraine, UN le turkey hna nih, Graine zuarchuah khawh ding ah iremhnak biachah ngeih in an sign hnu ah, Odesa port in grain chuahter ding ah ready ter dih asi cawlh, cun vawlei news report ah thanh cawlh zong asi, mah iremhnak an sign hnu suimilam cheu hrawng ah Russia Cruise Missile hmang in mah Grain cu an kah cawlh khi asi, Russia Lih chim le hrawkhrawlnak hi vawlei ram tampi an lawm ngai cang lio ah atu ah hin, ram tampi nih ei/din ngeih lo ruang ah an buai ngai ngai cang khi asi than, Russia cu UN long si lo in ram tampi hna nih nih, Russia Putin hi mi tha lo asi caah, Putin nih ralpi 3 nak achuahter hrimhrim ko lai tiin an ruah hna cang khi asi.

Atu ah cun Ukraine long nih an tuar ti lo, ram tampi zong nih an tuar ve cang caah, Russia thil tuah mi hi an soisel ngai ngai cang hna pin ah, Putin cu amah biakam nak ah adir lo, Lih chim hmang asi, sign hnu ah Upadi buar cawlh asi, Ukraine ah airstrike ngeih ruang ah civil mi zei maw zat nunnak aliam fawn, Putin thil tuah mi hi vawlei nih ngaihthiam har an tin gai cang fawn khi asi, atu zong ah faktuk in, Odesa Sea Port Kalibr-type cu cruise missiles hmang in an kap peng rih khi asi, mah idohnak hi afak chinchin peng fawn, Zalensky nih cun Russia Putin cu civil hna umnak le building hna cu Cruise missile hmang in target asi cang tiin achim ve bak cang khi asi, mahi doh nak hi adongh/dih ding phun in alang ti lo caah, NATO hna zong ah hriamnam thatha he anmah ram ceu ah ready ter an si pin ah, Ukraine ah hriamnam pek chih ding ah thawngthanh nak anrak ngei ve cawlh tiah news report ah langhter asi.

Russia le Ukraine idohnak kong ah hin, thlanglei acoyah hna nih direct in Russia hi dohpi asi lo hmanh ah, tangka le hriamnam he Ukraine bawm/pek peng rih hi tha an tirih ko nain, Russia cawlcang ning nih zei thil dah achuahter lai timi hi chim thiam har ngai dirhmun asi cang caah, Ukraine zong nih antuar ngai ko cang nain, Russia nih hriamnam sang missile hna an hman deuh deuh cang fawn khi asi, Ruah lopi in Putin aluling tuk ruang ah Ralpi 3 nak hi achuak taktak lai lo tiah chim har ngai cang dirhmun asi, Ukriane President Zalensky nih an ram feet khat hmanh Russia kut ah pek an duh ve bak lo, atu Russia kut ah um bantuk in alang Black Sea Fleet le Donbas hna zong lakthan asi lai tiah ati, mah ram pahnih idohnak hi cu ti maim ai cun remdaih ding dirhmun asirih lo caah, minung zeizat nih dah athihpi rih lai, atu ah hin Russia General le Colonel 50 leng an thi cang pin ah an ralkap thi cang mi hna hi, 38,550 an tling cang tiah Ukraine news report ah an langhter mi asi.

Nihin hi idohnak ni 151 nak ah hin Ukraine ram chung politics dik lo hi arak lang ve peng fawn khi asi, President Volodymyr Zelensky nih SBU Spy chief a banter khi asi, The Kyiv independent report ning in Ukraine, former deputy secretary of Ukraine’s Security Council Volodymyr Sivkovych cu, Russia tuanpitu tiah Ukrainian State Bureau of Investigations hna nih anrak theih kha asi, Ukraine ah hin Russia nih an kut tang ah an chiah mi hna zei maw zat a um, Russian intelligence services & network of agents hna he an tuanti tiah thei asi, Germany nih hin Russia Ukraine idohnak hramthawh in hriamnam a pek ding kong arak chim mi asi, Kyiv Independent reports- German outlet, German media organisation German Welt nih Germany nih Ukraine pek an tim mi IRIS-T air missile defence system 11 cu, Germany’s Federal Security Council nih pek rih lo in a umrih khi asi, Hungary’s nationalist prime minister Viktor Orbán nih Ukraine idohnak kal cuah mah lio hi, tawpter ding ah US-Russian peace talk ding ah nawl an si, nain atu ah umzia angei rih lo, ralpi 3 nak anai deuh deuh tinak khi asi.