Voice Call Record hi Court ah Evidence a tling maw? Lei ba ngeihnak lei le bungrua/thilri kong buainak ah!

Voice Call Record hi Court ah Evidence a tling maw? Lei ba ngeihnak lei le bungrua/thilri kong buainak ah!

Voice, Call Record cu Evidence a tling lo tlat, Court ah a aw taktak asi maw timi hi fainter nak a herh mi asi, fainter nak ding ah zeitin dah kan tuah lai? Court thil reng reng cu evidence/fainter nak ngeih hrimhrim herh thil asi dih khi asi, Cu bantuk fainter nak ngeih lo ah cun, Convict ding ah a rem lo mi asi, Jail zong ah chiah asi rih ko hmanh ah, zalong te in chuah cawlh khawh asi lai, Mah lio ah hin mipi lei nih Upadi lei khawkhan lairel tu hna cu, kan soisel tawn pin ah dik lo in khawkhan asi bantuk in acan ah kan chim hna khi asi.

Sihmanselaw, Upadi ning in khawkhan lairel piak asi lio mi bak hi, kan theihthiam tawn lonak le zei maw tiin tangka hna he thil tuahnak a um ruang ah asi lai tiah, ti phun in ruahnak ngei mi zong kan um, kan theihthiam ning hi afuh tawk lo zong a um tawn, mahruang ah cun khawkhan laireltu hna nih dik lo in khawkhan asi lai, tangka an lak ruang ah dik lo in biachahnak an ngei tiah an puh tawn zong khi asi tawn.

Case nan file lai mah hnu ah, lehnak arak submit/luhter lai, Witness ah nan hman mi zong kha, Court ah Exam thiamthiam a herh, Record, Call, ah khan a mah taktak asi tiah, hnatheihnak long si lo in, mit hrimhrim in hmutu an um zong a herh lai, Atu lio ah Tangka cawi/puk buainak long si lo in, Voice, Call record hna hi a tluk mi an si, Evidence ah pawm ding ah cun, Court nih expert exam ding ah record a kuat aherh, Record le Call a um hlan thil zong, Compare ding ah a her fawn, Cu bantuk in an tuah mi asi ko hmanh ah Upadi mit in zoh ah cun pawm a harsa ko ati.

Leiba kong ah buainak hi sumdawnnak thil he pehtlai mi bungrua/thilri, chawva pin ah Nungak tlangval, Nuthlawi, Pathlawi kawl lio hna karlak ah, an nungak an tlangval, hawi karlak hna ah asi khawh, A hramthawh ah cun an idawt ngai ngai mi, zan chiar, nichiar dawtnak athuk kau tuk tiang an um tawn, ataktak ram hmanh ah dawtnak hi atlau kho ti lai lo, ti tluk tiang asi mi hmanh khi asi kho, A donghnak ah cun Lawyer thiamthiam an herh tawn, mah lio can ah cun mitthli aluang tawn khi asi.

Leiba, bungrua/thilri thil an ibat piak kong hna ah hin, upadi hi a um ko hmanh ah felter ding ah hin a awl/fawi tuk lem lo khi asi, Lok adalat va pan zong ah personal/pumpak harsatnak bik solse hi a buai thlak ngai, a hram thawk ah tial in Agreement chiah ding asi, tangka long si lo in, bungrua/thilri zong aba in pek ding cu, Dan le dun Crime Group admin hna tialter hi a him bik cem, Diary hna, Payment record hna zong, mah tein tuah khawh le tial khawh mi a um ah cun apoituk lem lo, Agreement cu taxable a si ve, cu bantuk nan rak tuah khawh mi kha, Court ah pawm a si vetawn ko.

Tangka cawi/puk buainak, Bungrua/thilri bat piak kong hna ah an tial tampi hi cu, Court proceeding zei hmanh um lonak, tahchunnak ah, khuapi pan/kal harsa khuate leit unau hna nih, VC ah phanter le ceih piak mi hna tete phun hi, kan chim bantuk in Document nan ngeih that lo ah cun, dan dun lo in thil tuahnak cu, a donghnak ah Upadi ning in bawmnak thiamthiam an beisei than tawn khi asi, A faktuk hnu thi deng mang ah, Doctor sin ah pan/kal cauh bantuk asi.

Vanhlunmawia (Vana) LTI.