Whatapp hi ram zeimaw zat ah khamh asi cang atu hi India Whatapp le Acoyah an irem kho rih lo abuai deuh deuh ko cang India zong ah an khamh ve kho men?

Whatapp le India acoyah an irem kho lo azual sinsin cang ti awk khi asi, ahram thawhnak cu acoyah nih IT Updi thar atuah mi cu, Whatapp nih mah dandun tuah mi cu ahman duh lo ruang ah asi, Whatapp nih cun mah Upadi kong ah apawm khawh lo nak le Whatapp ah ca post tu hna theih khawh ding ah tiah acoyah nih atimi cu asi.

Mah nih hin messaging app facebook tang ah um lio asi, an polivy ngeih cia mi end-to-end encryption cu hlonh ding in an chim, nain acoyah lei nih mah bantuk ca-bia post tu hna hi thlatthlai khawh nak ding ah, tiin cathanh arak tuah lio asi, Whatapp nih cun mah kong ah Delhi High court ah kal in acoyah nawl chuah mi cu with draw ter ding in an nawl ve fawn khi asi.

Acoyah nih cun atu bantuk in Whatapp nih nawl an ngai lo mi hi acoyah dohnak asi ati, Ministry of Electronics and Information Technology (MeitY) nih Whatapp cung ah beiseinak ngei in fim fiannak angei mi cu, Whatapp cu bia dik lo chuahter tu hmasa asi, Ministry nih Investigation tuahnak le ahnu ah Upadi buarnak lei vennak ding ah hmalak hi biapi bik asi tiah ati.

WhatsApp privacy policy cu upat tlak asi ko nain thil tha lei ah cun bia ngai ding asi, Whatapp lei zong nih with draw atimh ve bak lo, acoyah nawl bantuk in capost tuhna thlatthlai kho asi ah cun, app hmangtu hna nih Whatapp an thimnak chan end-to-end encryption cu zei hmanh asi ti lai lo timi cu asi ve, minung billion nih an chuah tak ding cu Whatapp lei nih an duh lo khi asi.

Whatapp caah cun dirhmun tha lo khi asi, acoyah upadi ning in akal khawh lo ah cun, India ram chung ah hman khawh tilo ding in khamh asi kho men, WhatsApp encryption code ruang ah ram cheu khat hna ah cun hman khawh tilo in khamh arak si cang, mah ram hna cu;-

China Whatapp hi China ah cun 2017 ah khan khamh arak si cang, atu tiang hman khawh asi lo, an khamhnak chan cu, china acoyah nih control khawh lo caah asi, Whatapp encryption code-tlawmter ruang ah asi, China ram chung ah app tuah mi Wechat messaging app long hi an hman cang.

North Korea ah Kim Jong Un acoyah zong nih Whatapp hman hi an duh lo caah khamh asi, mah zong end-to-end encryption ruang thiamthiam asi, cu pin ah an ram chung ah Internet connection hman peng ding a um lo fawn, North Korea ah hin mi tlawmte long nih wireless internet connection an ngei.

United Arab Emirates UAE-ah cun WhatsApp le FaceTime video call hman hi khamh asi, amah belte cu encryption ruang ah silo in, aram chung ah ibiakchawnh nak service hna hman uar an duh ruang ah asi, cun tax lak an duh ruang ah Whatapp hi khamh asi.

Syria ah WhatsApp encryption policy anrak hmang ngai ngai ko nain, acoyah duh lo pawl nih news ikuatnak caah an hman ngaingai mi asi tik ah, mah cu Syria acoyah nih duh lo in an khamhnak chan asi.

Iran-ah hin cun WhatsApp long si lo in thil dang hna tiang khamh asi, Internet signal le Twitter , Fcaebook hna vialte hi 2019 ah khan Islam phunghram buarnak asi tiin khamh asi cang.