World Map hi rak zoh ve hmanh u Russia le China hi a lian bik ram an si veve, Vawlei hi an kut tang ah a um sual lo nak hnga??

America hi pathumnak lian bik asi ve,

Russia le China nih mah tluk ram kau pi an ngeih ko hmanh ah, duh amnak le mah zawn ruah long long hi an duh mi asi, Communist uknak system ah hin cunglei nawl ngeihnak tang ah um hi ram tampi nih an duh lonak asi, Cun ningcang lo in ram hme thuat/doh ahmang fawn, kut tang ah mi/ram umter hi an duh ning asi, Human Righht upadi zei rel lo le Minung sinak covo lamh piak in, an cung ah nawl ngeih hmang hi an lungput bik mi asi, mahruang ah cun atu ah hin Russia, China tang ah um duh mi hna cu North Korea, Myanmar, Pakistan ti bantuk hna hi an si, pin ah an uknak ram chung buainak le thancho lonak zong asi peng rih ko hi asi.

Russia nih hin atu ah Ukraine (Sovereign) athuat/doh cuah mah lio asi, Cun China zong nih atu ah hin an khawkhan lairelnak duh lo in, adang tein zalong te in dir aduh mi, Taiwan thuat/doh tim lio bantuk in a um than hawi cang cu mu!! Mah Communist/Dictator ram pahnih hna duham tuk ruang ah ram hme hna cung ah, upat tih zahnak ngei bak lo in, an duh can ah hrocer or warning pek hna hi asi tawn, Vawlei cung ah Democracy Lian pahnih ah pakhat India nih daidep in a um ko, US belte nih cun ramkip le hmunkip mining covo zalongter duh in, campaign atuah peng khi asi, thil dang dang hna ah an bwam fawn, hriamnam lei zong ah an mah ram venhimnak ding ah tiah an cawkter fawn, mah bantuk cun aphunphun in an cawlcang ko khi asi, lungput atha bak ko.

History kan zoh ah hin US nih China cu Ralpi 2 nak lio ah khan Japan lak ah achanhchuak ko kha mu! Atu ah cun China cu aluling ve ko cu, German lak ah Moscow tlukchiat ding cu US thiamthiam nih arak chanhchuak than ko kha asi, atu ah cun arak puar ve ngai ngai fawn khi asi, mah cu kan vawlei ram lian kan ti mi chung ah, mah ram pahnih Russia le China hi Communist/Dictator ram an si, an cawlcang ning le ram an uk ning kan theih ceu ko, Kan ram Myanmar ram hrawhtu le thil tha tampi Myanmar ram chung ta cu, Russia le China ram chung ah tampi an luhter cuah mah lio khi asi, zei dah Myanmar ram caah thil tha tuah mi an ngei maw?? Ngei bak hlah Myanmar ram chung ta thil tha long long pei an duh ko cu, mah cu communist/Dictator ram uknak umtu ning asi.

Democracy Uknak ah hin cun minung asi cang phawt ah cun, covo an ngeih ceu timi hi asi, atlang pi in Christian phung he siseh, Human Right phung he siseh, Civil Society phung he siseh, akal kawp mi Democracy system Uknak hi vawlei ram hme le ram sifak hna ca le bang cu arak tha khun khi asi, America hi rak um hlah selaw vawlei hi Communist/Dictator kut tang ah zeitluk in dah kanrak tuar hnga mu!! America ram hi Democracy ram lian asi pin ah, Evangelical Christian tamnak ram asi fawn caah hin, kan mah Chin miphun tiang nih US ram thluahchuahnak kan ngah/co ko cu mu! Kan tanh lo awk tha lo ram bak asi.

N Korea nih an ram chung mipi hmanh zohkhen khawh lo, kum chiar in ti hal rawltam tuar in an Pu Kim-Jong-un kut tang ah pathian bantuk in anrak biak khi asi ko, ram dang he sumdawnnak ngei bak lo in, ram thanchonak ding lam a um lo, kum chiar in ram dang ah azam mi hi an tam ngai tawn khi asi, Pakistan ram zong rak zoh hmanh leiba tamtuk angeih ruang ah, mipi nih an Prime Minister cu duh lo nak motion an put luh ruang ah, Parliament in an hlonh diam ko kha asi, Cu bantuk thiam thiam in atu kan ram Myanmar cu chim herh lo in kan theih ceu ko cang khi asi, zei tik ah dah kan ram nih luatnak kan ngei vet e hnga?? ti long hi asi cang ko.

Democracy ram hna hi Bawipa nih akan dirpi can a um te ko lai, mah can ah cun vawlei cung ah kan tangti hna lai-I, atu ah hin China nih Pakistan le North Korea nih aba in thil tampi an lak piak cang cu mu, ruah lo pi in Sri Lanka ram bantuk in tluk chiat can an ngei hrimhrim te lai, Cun China zong nih tlukchiat pi can angei te ko lai, Russia zong hi tlukchiat can angei te lai, achan cu Soviet Union lio bantuk in tlukchiat can angei hrimhrim te lai, atu Ukraine an doh ruang ah hin, tangka dih mi le hriamnam an sung cang mi hi, Mithiam Analysts hna nih an tuak tan ning ah anram Budget kum hnih daih zat tluk an sung cang tiah news site ah an langhter hna cang khi asi, sualnak ngei lo mi ram va doh cu zei tik hmanh ah Bwaipa nih aduh pi hrimhrim lai lo tlak/tluk chiat ni angei te lai.

China supporter hna cu acung lei ah kan langhter bantuk kha asi, America lei supporter ram hna cu, India, Australia, Japan, South Korea, Indonesia, Malaysia, Vietnam, Philipine, le Europe ram tampi hna an si pin ah Africa ram, North America ram hna ah tampi a um rih kan chim dih ah cun tampi tial aherh le etc… mah long hi zarih ko she, ka lawm.

Cre: #Moses Pa#