Afghan hruaitu pahnih hna dirhmun cu President Ashraf Ghani nih anram tangka tampi an tlikpi lio ah Vice President Amrullah Saleh cu Ral doh ding in hma an lak rih lio,

President Ashraf Ghani nih Kabul a chuah tak ah khan, helicopter ah tangka tampi an tlikpi mi cu, $169million asi atam ning cu rak tuak ve hmanh u, Dubai nih ‘humanitarian grounds’ ruang ah tiah, an ram chung ah umnak sianh piak asi, Fox News nih presidential palace bodyguard sin in bia atheih mi cu, An zam ding mi cu US lei nih an theihpi lo, Afghanistan’s Vice President Amrullah Saleh belte cu Panjshir Valley lei ah Taliban hna thuat ding in tan an lak tiah thei asi, Afghan Embassy, Tajikistan nih former president’s picture chiah duh lo in, Amrullah Saleh hmanthlaktu an tar piak ko.


Ataktak ah cun Afghan nih ralkap an ngeih mi hi minung 190,000 long an ngei ting 2 hmanh an ngei lo tinak asi, atang mi ralkap minung 110,000 hna caah ah hin US nih cun lahkhah salary apek peng ko khi asi, mah hna tangka cu, Ralkap Officer hna le Afghan acoyah chung ah politicse Leader hna nih an ei ko timi kha fiang te in thei khawh asi, atu ah an President azam atli mipa nih $169 million cu khawika ta dah angeih lai mu! mah caah cun “Ei hmuar” Corruption nih ram ahrawhter achiatter tim hi Afghan ram ah hin ataktak in fiang ngai in alang ko.

Afghan ram acoyah nih ralkap minung ting 3 hrawng ka ngeih an timi hi “Lih” asi, khuapi cheu khat hna cu doh lo in Taliban hna nih an lak khawhnak aruang cu,’Ei hmuar’

A hram bik cu ralkap officer le civil lei administration ah an officer hna chung ah hin, “Ei Hmuar” corruption le politician chung ah arak tam ngai khi asi, mah ei hmuarnak ruang ah ram chung ram hruainak ah tha zang angei kho lo, abik in atu Afghan ram chung ah hin ei hmuarnak ruang ah, vawlei cung news site hna ah arak lang ngai ngai caah, ram hruaitu hna caah cun ningzah ding khi asi.


Mah ruang ah cun Afghan ram nih ram venhimnak can ah hmalaknak le raldohnak ah tha zang ngei lo in, Taliban minung tlawmte lak ah anrak sungnak cu asi, Eihmuar acoyah le ralkap Officer hna tiang ram caah thazang chuahnak in mah zawn ruahnak ruang ah ram Economic le ikai hruainak system athat lo ruang ah anram humhim khawh lo in ralhrang hna kut ah arak phannak khi asi timi hi vawlei mifim hna nih fiang deuh in arak chimnak chan pakhat asi.

Suimilam 48 chung te ah Taliban nih Kalakan, Qarabagh, Paghman & Jalalabad, Mazar-i-Sharif etc anrak lak bak ko kha mu, Taliban spokesman nih Kabul cu hriamnam hman herh lo in, surrender ding ah nawl asi bantuk in alak taktak khi asi, Taliban’s political office spokesman Mohammad Naeem nih idohnak ah teitu asinak kong arak phuan bak ko kha asi, Matt Zeller, US veteran of Afghan war kum 20 chung Washington bawmtu minung 44,000 hna hi lak aher ati.


Shafiq Hamdam, former adviser to Afghan President Ashraf Ghani nih an President bik nih an zam tak cu ningzah asi, “Kum mah zat chung in harsa ngaingai in idohnak kan ngei kan ram himnak ding ah nain, President bik nih aka zam tak, akan tlik tak mi cu thil ningzah ngaingai asi” Social media lei ah Ghani zam mi cu anrak soisel ngai ngai khi asi, Trump’s former Secretary of State Mike Pompeo “President nih Afghanistan Withdrawal a kalpi ko nain, zei thil tha lo dah arak phak te lai timi hi aruahnak nih aphan lo caah buainak kan ton mi asi ati.


Biden Secretary of State Anthony Blinken “Kum 20 chung America nih Afghanistan ralkap le hriamnam tha he training pek asi, mah tluk in Taliban atei lo nak hi an mah mawh asi ati ve, US Politics ah anti-Trump Republican Representative Liz Cheney nih Trump le Biden a thiam lo ve ve ” President Biden zong nih ruahnak fiangte in ahmang lo, House Minority Leader Kevin McCarthy “White House nih Taliban hna he ichawnhnak an ngei lo, withdrawal rangtuk in an kalpi cu buainak tamtertu asi, President Biden nih Qaeda & ISIS hna nih umnak akhuar lai lo atimi hi, dongh lo in buainak asi ko lai ati.