Afghanistan ram cu hmailei panh kho tilo in muinak nih akhuh-adawn chinchin cang,

Kum 20 chung reng lo US le a tuanpi mi ram ralkap (Allied forces) hna nih an uk chung in, ramchung venhimnak caah training le ralkap Equipment tiang pek in anrak cawnpiak ko, hmailei ah an chuahtak can ah an mah le an mah ram kilhvennak ding ah, palik le ralkap hna cu hriamnam a phun phun an pek khi asi, technology thiamnak lei hmang in hriamnam thatha le ahman ning hna an cawn piak hna, army organising hrim hrim hna zong fakpi in, kum 20 chung anrak cawnpiak khi asi, Afghanistan Forces dang dang hna ralkap minung 300,000 hrawng, tuah piak in, Airforce hna zong felfai tein kum 20 chung anrak cawnpiak in anrak zohkhenh khi asi.

US le atuanpi hna cu Afghanistan in chuah ah cun, Taliban pawl cu hmunkip in anrak chuak ve cawlh khi asi, American ralkap hna an chuak dih cang tiah an theih cangka tein, Afghan Army hna umnak cu Taliban hna nih kil kip in anrak thuat hluahmah ko kha, Afhanistan thetse hmun hna le Semi thetse hmun hna kau ngai ah um mi hna cu, thlaler dawttu, mi sifak le rethei tamnak district hna cu anrak lak cawlh hna khi asi, mah caah cun Aghanistan ram acheu hrawng cu Taliban pawl kut tang ah an chiah cawlh hna.

An khuapi pawimawh deuh deuh hna cu, missille he anrak kah piak hna, Amah belte cu Afghanistan ram khuapi minung tamnak hmun, ei/din tamnak hmun le sumdawnnak hmun hna cu aduh ning in an la kho thlei rih lo khi asi, mah khuapi hna cu Afghan acoyah ralkap hna tha tein training US nih an pek mi hna le hriamnam thatha ngeih mi hna an si ve caah, Taliban nih an duh ning le fawi deuh in lak khawh asi lo, US army officer hna nih tlamtling te in Equipment a pek hna, cun khuapi chung Security cawlcang ding hna tiang training anrak pek ruang ah asi tiah news site hna ah an langhter hna.

A hlan ah cun fawitein Afghan khuapi hi Taliban pawl nih anrak lak khawh ko, atu cu kha bantuk kha asi kho ve bak ti lo, khuapi lian pakhat Herrat cu taliban pawl arak lut khawh ko cang, Taliban nih herrat hi cu bia tak tein anrak thuat ko kha, Taliban nih hin Acoyah Office le mipi umnak cu thlei dannak ngei lo in Missile he anrak thuat cemmam ko tiah thei asi, Khuapi acheu hrawng cu an lak deng mang cang ko nain, American nih kum 20 chung training anrak pek cang mi Afghan Army hna cu Herrat khuapi ah lut in fakpi in an idoh hnu ah, Afghan acoyah lei nih an tei deuh khi asi rua, Taliban hna cu Push back asi tiah Tv news lian hna nih an phuang ko.

Aghanistan khuapi lian 2 nak Kandahar zong taliban nih missille he vanlawng tumnak hmun cu an kah tiah thei asi, mah caah cun atu ah hin Kandahar international airport hi khar asi tiah an ti, Taliban pawl anrak thawng ngai ngai, nain American ralkap nih training a pek mi hna cu, taliban nih an duh ning in cun an tei ve kho lo, Taliban cathanh tu Zabuhullah Mujahid-nih cun acting defence minister cu meeting lio ah thah an timh tiah a chim, British PM Boris Johnson-nih cun taliban hna hi minung zalongnak upat lo ah an puh, mah caah cu US tel lo zong in British ralkap hna hi an cawlcang kho men tiah, British khawkhan lairel hna an chim khi asi.

Afghanistan ram hi Russia nih cun Taliban hna le an ram muslim tupung hna hi, Chechen pawl he peh tlainak an ngeih ruang ah, Afghanistan hi zoh sawh sawh ding asi lo, Taliban pawl nih acoyah an lak piak sual lai timi hi phan a um ati, Afghanistan he ramri tawite ngeih ve mi, China acoyah hi an buai deuh deuh ko ati, Afghanistan he ramri nak province hrawng hi muslim um tamnak hmun asi, mah muslim province hrawng tupung, terrorrist group hna hi Taliban hna he apeh tlai dih mi asi caah, Taliban kut ah nawlngeihnak a um sual lai timi hi, China zong nih arak phang ngai khi asi ve.