Donad Trump nih cun 2024 ah America President Seat cuh than atimh US ram ropi nak atlau deng mang cang sersiam than aherh,

2020 Presidential election ah teitu sinak akan pek lo hmanh ah Former US President Donald Trump nih cun, 2024 ah seat cuh than atimh tiah press secretary caah ahman tawn mi Sean Spicer nih cun fiang ngai in arak chim cang khi asi, atu US ram Joe biden nih ahruai sual ko cang, ram chung economic lei ah aniam tuk cang caah sersiam than aherh, cu ti lo ah cun America ropi nak atlau chinchin lai, America hi upat tlak ram sithan ding ah karak kir than te lai tiin media news site ah aram chim mi asi.

Donald Trump nih hin America ram a zoh tik ah economic thancho nak lei si lo in aniamnak lei ah atum chinchin cang timi hi fiang ngai in a hmuh, mah caah cun 2024 ah President cuh than ding ah langtuk lem lo in, acawlcang cuahmah ko tiin Sean Spicer nih Washington Examiner nih an kawmhnak ah achim than mi asi, akal liam cang thla ah khan Trump nih hin 2024 ah seat cuh a timh le timh lo kathei lo nain, atu ah cun fiang deuh in alang ko cang ati.

Donald Trump nih President atuan lio ah anrak hman mi Media department bia thanh tu Sean Spicer nih hin Trump dirhmun hi fiangtuk in atheih mi asi, Mark Meadows, Trump’s former chief of staff, nih 2024 caah bia tak tein an cawlcang ko cang nain, Trump cabinet hna he meeting an ngeih nak cu fiang in kathei kho rih lo tiah a chim ve, Asi nain Donald Trump nih hin America hi arak dawt taktak ko timi cu fiang tein ka theih ati.

2024 President acuh than ah cun teinak ahmuh ko lai tiin azumhnak kong avan langhter ve, zei asi zong ah America ram caah cun Donald Trump hi atha bik ko, aruang cu, amah uknak tang ah hin America ram chung ah riantuan ding atam, ram chung ah Khrihfa hna nih zalong tein tlun kal le pumkhawm hna zong anuam ngai an ti, Cun vawlei cung ah rem daihnak a um, Middle East ah remnak daihnak a um kho, atu ah cun ramkip ah buainak long tein akhat ko cang tiah cheukhat mithiam hna nih an tuaktan nak ah “Trump” uknak hi atha tiah atimi hi an tam deuh an ti.