Donald Trump amah um lo kar ah In FBI nih an check piak kong ah Republican le Trump supporter pawl athin ahung tuk zei dah an tuah lai??

Peh than nak :-Mar-a-Lago, Palm Beach, Florida state-ah US President hlun Donald Trump umnak In, FBI agents hna nih an check nak kong ah, American mipi chung ah mah thawng pang long long chim le rel atam ngai lio can zong asi, zei thil dah aphanter lai theih asirih lo, Trump-cu thil  tuah sualtu (criminal) bantuk in thiam coter asi sual bak ah cun, US President cuh a rem lo kho men, Political Analyst cheu khat hna nih cun Biden Admin le Democrat thil tuah ruang ah, Democratic party cu an tlau nak ding ah an thil tuah sual lian bi kasi, timi an um lio ah, a ni, Republican/Grand Old Party (GOP) Strategist hna nih cun “criminal charge” an pek sual lai tiah thinphanpi asi ve fawn, BBC News nih, Democrat pawl nih cun, kum 2024 ah Donald Trump cu candidate chung ah (best candidate) si ding in an ruah.

Republican Senator Marco Rubio of Florida state nih, FBI hna thiltuah ning cu ram thancho lo, Third World ram ah nawlngeihnak duhtuk mi le Marxist khawkhan lairel tu hna thil tuah bantuk asi ati, South Dakota state Governor Kristi Noem nih, Biden Admin hna nih “FBI cu political hmanrua ah an hmannak thiltuah asi ati fawn, US Vice President hlun Mike Pence nih, FBI hna thiltuah ning nih mipi hna chung ah, ram khawkhan lairelnak lam ah zum lonak atuah asi khawh tiah ati, US Attorney General Merrick Garland nih bia dik cu, America mipi hna sin ah fainter nak atuah cawlh ding asi, bia dik cu aran khawhnak chung in phuan ko seh ati, Trump- Adviser tawn Jason Miller big Sky News sin ah “Trump cu White House ah rak kir than tim in, a thiltuah tim a phuan zawk zawk lai ka zum ati, 2024-ah arak kir than hrimhrim lai ka zumh ati.

Atu bantuk in an umnak In check piak mi hi thil tuah sual palh mi thil asi lo, Classification thil hi level dang dang ah um asi, tiin Trump fahter (hurt) le chiatter timhnak “political raid” thil tuah mi asi”, tiin fak nawn in an soisel ko,  Classified records timi hi White House ah President hna cawlcangnak thil tuah, ahnu kum 12 hnu ah mipi hna theih ah phuan khawh thil hna asi, mah bantuk FBI nih Trump-in an check cu Trump chiatter tihmak long long asi tiah, Jason Miller nih ati, Trump hi atu lio ah US mid-term election rak um ding ah, support tu hna nih cun an Party in Primary Election ah teinak cang in, official candidate zong ah an cak lio asi, President Biden cu a dirhmun aniam chinchin nak chan cu thil man sang inflation le economic tlak niam ruang ah asi an ti.

House Minority Leader Kevin McCarthy of Califonia nih, “Federal agents (FBI) le Justice Dept hna nih acoyah nawl ngeihnak an pek cu, politic thil hriamnam ah hman asi, Republican pawl nih House kan control can ah, kan hlatthlai cawlh lai tiah ati, mah Justice Dept hna nih hin kan thil tuah cu an theih te lai tiah, ati, Senate Minority Leader Mitch McConelly of Kentucky zong nih, “Zei ruang ah Mar-a-Lago hmun cu check tawp dah si? Aran khawh nak chung in fainter tuah cawlh siseh anti, Attorney General (Merrick Garland) le Justice Dept hna nih cun, America mipi hna cu bia dik chim piak zawk zawk kose ati fawn, Fox News nih, Republican pawl nih mid-term election ah teinak an ngah ah cun, Senator Chuck Grassley of Iwoa state cu FBI le Justice Dept thiltuah ning, hlatthlai ding ah Comtt-ah hruaitu asi lai ati.

Senate Judiciary Comtt-ah Chairman sitawn mi asi, House Republican pawl cu, Biden Admin thiltuah hlatthlai ding ah lung arual ngai ngai hna khi asi, tiah ati, House -Republican member Nicole Malliotaki of New York nih, “Mar-a-Lago check tawp mai cu, ka Nu umnak Cuba ram bantuk asi ati, US thil phan ca ding cu asi kho lo ati, Trump- thawngthanhtu Taylor Budowich nih, “Monday ah Mar-a-Lago checking piak cu thil herh lo bi kasi ati, Biden Admin cu “Third World” ram khawkhan laireltu hruaitu bantuk in an cawlcang ati, Sky News nih, Justice Dept hna nih cun White House in lak (boxes) 15 cu “National Archives and Records Administration” ah chiah ding in, Trump umnak “Mar-a-Lago” in an lak than cang tiin chim asi.

Democratic Party aiawh Hillary Clinton le Republican Party aiawh Donald Trump hna cun, US President si tim lio ah, US Secy of State Hillary Clinton nih State Dept thil pawimawh hna cu amah “Personal Email” le Computer in arak kuat chuak in, hman tawn asi, boruak athat cang lio ah FBI lei nih atu bantuk in checking tuah asi ruang ah, bia tampi hal ruang ah boaruak asang ngai kha asi, mah boaruak nih a dirhmun niamtertu bak kha arak si, atu ah Donald Trump-cung ah thil cang mi hi zeitin dah asi lai boruak sang lei or niam lei maw asi lai? Thei khawh asi rih lo.

Donald Trump nih ka In an check chan cu, Florida resort Mar-a-Lago cu Monday ah khan FBI an check mi ah, zeihmanh phuannak an ngei lo kha asi, mah cu Donald Trump nih’ FBI nih kan umnak In Florida resort an check nak chan hi ka hal hrimhrim lai, an cawlcang ning hi un-American, Palm Beach, Florida, Mar-a-Lago, kan umnak In ah, sianh piaknak tel in in arak lut, achan documents hi ka hal chauk ngei ngei lai, radical left Democrats hna hmalaknak asi nain, politics lei ah ka ral hna nih akan thuat zong asi khawh, kum 6 liam can in akan thuatnak kha akal peng rih ko tiah Trump nih ati.

American tampi hna nih cun Donald Trump cu Democrats pawl nih Trump dir than an tih ruang ah, thil tuah mi asi an ti, Department of Justice (DOJ) FBI Americans 47% nih an zumh, 46% nih an zumh lo, Democrats nih an zumh ngai ko, Conservative Political Action Conference, Texas ah khan voters 69% nih Trump an support, 24% nih Florida Gov. Ron DeSantis.