Israel Prime Minister Naftali Bennett cu America ah atlawng lai, atu lio boruak ah President Joe Biden he itonnak an ngei lai,

Israel prime minister Naftali Bennett cu hmaizar ah hin US-ah atlawng lai, US le Israel ram zei tindah ram venhimnak ding ah tuanti athat lai timi ceih an timh tiah news ah langhter asi, US President Joe Biden he August 26 ah hin White House-ah an iton lai, “Prime Minister Bennett atlawng ah hin, United States le Israel karlak ah tuantinak fehter asi fawn lai, ram pahnih acoyah le mipi hna tiang pehtlainak athuk deuh deuh ngeih ding te hna, United States nih Israel himnak ding ah tuah le zohthan ding hna etc, asi lai tiin White Houes press secretary Jen Psaki nih a chim.

Tukum January thla ah President Biden-nih Donald Trump arak thlak hnu ah khan US le Israel ipeh tlainak fek ngai in anrak ngeih tawn mi cu aningte in akal than deuh cang khi asi, Mah ruang ah hin Israel prime minister Bennett hruainak acoyah thar Trump support tu tha ngai mi, Benjamin Netanyahu arak thlak hnu ah tha tein hramthawh than an timnak zong asi.


Biden-nih Iran he nuclear deal anrak tuah mi, Trump-nih anrak chuah tak cang mi cu, athar in nunter an timh ruang ah, US le Israel karlak boruak hi a ṭhatuk lo khi arak si, Israel nih Iran nuclear deal hi arak doh ngai ngai khi asi, mah caah cun atu tan PM Bennett atlawngnak chan pakhat zong asi fawn lai, an itonnak ah thil tha achuak kho ko lai tiah zumnak he zoh phawt ko u sih.

White Houes press secretary Jen Psaki nih cun ram pahnih hruaitu nhi hin, ramchung le vawlei cung himnak ding ah bia pi bik mi hna le Iran kong ah, thil tampi an ceih ko lai tiah ati, “Israel PM arak tlawngnak ding hi ram pahnih hruaitu Israel le Palestine caah remdaihnak, venhimnak le boruak ṭha an ngeih khawhnak ding zong an chim hna lai, ramchung himnak nak ding ah rian an tuanti khawhnak pawimawh ngai can asi tiah Psaki report ah langhter asi.