Nuclear hriamnam ngei ram 9 hna chung ah an hman sual lai tiah thinphan nak he an buaipi bik mi cu Russia, North Korea hi vawlei nih an zum hna ti lo khi asi cang??

South Korea Parliament Tuesday thut khawm nak ah, President Yoon Suk Yeo’s nih, North Korea nih kum 5 hnu ah Nuclear Weapons test ding an ready dih cang tiah chim asi cang, UN Security Council resolutions buar/bawhchiat asi lai caah, Japan & America hna nih cun, North’s supreme leader Kim Jong-Un cawlcang ning hi, hremnak pek ding ah ready kan sip eng ko an ti cang fawn.

U.S. Deputy Secretary of State Wendy Sherman nih Japan & South Korea hna cu North Korea lak ah venhim nak ding ah, ‘nuclear, conventional and missile defense’ tiang bawmh ding ah bia akam, Sherman nih hin Tokyo ah South Korean First Vice Foreign Minister Cho Hyungdong a ton cawlh, Wednesday nih hin an 2 nih Japanese counterpart an ton ve than lai, North Korea nih UN council zong zei rel lo in, a lulling deuh deuh fawn cang ruang ah, US, Japan le SKorea-hna nih North Korea cu faktuk in hrocer in warning an pek ve bak cang.

 

United States, Japan le South Korea nih North Korea ram cu, nuclear test a ngei a si bak ah cun, lehrulnak an pek hrimhrim cang lai tiah an chim cang, Nizan ah khan South Korea first foreign minister Cho Hyun-dong, Japan vice foreign minister Takeo Mori le US deputy secretary of state Wendy Sherman-hna nih cun, Tokyo-ah press conference ngei in, North Korea hi nuclear test ngei ti lo ding in hrocer pah in warning fak nawn in an pek chih cang khi asi, North Korea nih an leh rih lo.

 

North Korea nih hin tu kum chung ah hriamnam anrak test peng khi asi, ballistic missile hmanh 20 leng test cang in, mah chung ah hin pakhat le bang cu, Japan kap phan khawh kha asi, South Korea-nih defence drill a ngeih ruang ah, a lungawi lo nak langhter in, Zar liam cang zong ah khan artillery sheel 100 leng cu tipi cung ah arak kap chuak cang fawn, mah hi South Korea hrocer nak caah tuah asi tiah arak chim ve cawlh.

 

Wendy Sherman nih cun, “North Korea cu kan thinhunnak lei phun in cawlcang ti lo ding in kan duh ati, North Korea cawlcang ning hi aram le pawngkam ram hna himnak derthawngtertu asi, boruak chiattertu zong asi, kan duh ning le kan nawlnak hna hi, North Korea-nih nuclear test a ngeih than asi phawt ah cun, vawlei pumpi himnak tiang a derthawngter khawh asi pin ah, ram economy tiang chiatnak hram thawh asi caah, fak nawn in warning hi pawm ding in nawlnak an tuah bak cang kha asi.

Russia nih nuclear hmang in raldoh ning (strategic nuclear strikes drills) tlamtling te in atuah cang fawn,

Russia Defense Minister Gen. Sergei Shoigu nih, ” Supreme Commander- in – Chief of Russian Armed Forces Vladimir Putin nih, Control Room in mah strategic nuclear strikes training excises hi arak zohpi khi asi, Kremlin nih President Putin-nih an ralkap hna nih nuclear hriamnam tih a nungtuk mi, boruak le vawlei ah hman ning an exercise kong arak phuang nak cu, Russian TV-ah langhter asi, mah nuclear idohnak drill nih hin, nuclear warhead ken khawh ballistic le cruise missiles hna nih an tim mi hmun an kap fuh khawh tiah, Kremlin nih cathanh atuah.

Mah drill kong ah hin Pentagon le US State Dept nih cun, Kremlin theihternak an ngah hnu le hi bantuk thil hi, Ukraine buainak he a seng lo tiin Kremlin nih ati, Naite ah khan US-NATO ram 14 hna “Steadfast Noon” codename hmang in, nuclear idohnak nun can an cawn he ipehnak a ngei lo, ati fawn, Russia nih hin normal ning tein drill exercise kan ngeih mi asi, Nuclear hman nak exercise asi lo tiin, achim, nain in Russia hi Lih chim hmang tiah ram dang hna nih an zum khawh lo khi asi.

An idohnak hmun a kiik tuk ko cang an tuar ding ning cu??

 

RIA Novosti news agency nih cun, nuclear missiles hna hi phun (type) hnih test asi, pakhat cu vawlei in kah chuah phun, Yars intercontinental ballistic missile siin, pakhat cu Sineva ballistic missile a si, nuclear bomb phurtu Tu-95 strategic bomber zong hman tel siin, cruise missile kah chuah ning test asi, Plesetsk Cosmodrome hmun le Barents Sea tipi chung ah, tichung lawng (submarine) hna in kah chuah an si, RIA Novosti nih cun, “Training exercise tlamtling ngai in ngeih asi, missile nih atim (target) hna an fuh khawh ati.

Russia nih hin nizan ah kan tial cang bang in Ukraine nih “Dirty Bombs” an hman lai tiah puh asinak cu, an mah Russia nih hman an duh ruang ah an puh mi asi tiin, an ruah piak hna khi asi, mah ruang ah cun Russia nih Nuclear weapons an hman bak ah cun NATO ram hna nih fakpi in lehrul cawlh ding ah, hriamnam lei expert hna cu ready ter dih asi ve fawn cang, atu ah hin US mithiam hna nih Russia Ukraine ah an cawlcang ning hi hmun dang in arak zoh peng cang khi asi fawn, Russia ca zong ah chiatnak tukpi ah tlak ve khawh dirhmun asi!