South China sea kong ah UNSC meeting maritime security Prime Minister Narendra Modi Chairman nak ah US le China bia i-al nak asang an ceih mi hna cu,

UNSC meeting maritime security ah India Prime Minister Narendra Modi chairman can nizan ah khan, Washington lei nih Beijing cu South China Sea ah ram dang ngiarpah cung in cawlcang ah puh, Beijing nih Washington cu hmun dang ah an cawlcang ning ah mi dang soisel tlak asi lo ati ve.

Prime Minister Modi chairman nak tang ah hin, virtual meeting an ngei, UN body ram 15 hna chung ah hin ruahnak akhat lo ngai ngai, US Secretary of State Antony Blinken nih tipi cheukhat hna cu mah ta bantuk ngeih duh an um tiin a chim, “South China Sea ah hin aho te hna nih cun an mah ta bantuk in ngeih asi ruang ah, ram dang lawng kal mi hna cu tih nung dirhmun ah adir pin ah ngamh ngai ngai in holhka hmang tawn mi an um tiah Blinken nih ati.

China nih South China Sea 90% an ta bantuk in an chiah mi cu faktuk khin arak soiselnak asi, China nih hin 1.3 million square-ah hin military bases, artificial islands ah an dir, Brunei, Malaysia, the Philippines, Taiwan & Vietnam hna cu an covo pek duh lo khi asi, Blinken nih “South China Sea ah hin United States nih kanrak chim tamtuk cang, ram lian lian deuh nih ram hme deuh hna cung ah lungput ning tha lo angeih mi hi, kan zoh sawh sawh ti lai lo ati ve cang.

Aho te hna nih cun South China Sea buainak hi US a rawlhnak ding asi lo nan ti kho men, asi nain, UN member state buainak cu vawlei ram aho poh buainak asi, South China Sea long si lo khawika hmun zong buainak a um ah cun, vawlei buainak asi thiamthiam, mah caah cun vawlei buainak ah hin a ho poh irawlh khawh dih kan si, kan dih lak buainak thiamthiam asi ati, China’s Deputy Permanent Representative Dai Bing, “Security Council hi South China Sea lei chim can asi lo, US nih South China Sea buainak longte achim hi Beijing lawmnak asi lo ati ve.

China & ASEAN countries hna hma laknak ruang ah boruak atha deuh, International law bantuk in aho ram zong um kal asi khawh, US nih hin aher lonak ah an irawlh tawn, South China Sea ah siseh an duh can poh ah ral dohnak lawng tha tak tak an kalter, US tluk in South China Sea ah buainak tuah tam hi a um lo, US nih hin UNCLOS (United Nations Convention on the Law of the Sea) joint duh lo in midang an chim ding asi lo, US nih Security Council ah hin buainak chuahter atimh, bia dik lo in ipuh hi atha lo tiin China nih aleh nak asi.