Taliban hna doh ding ah “Miphun phu” pakhat arak chuak Afghan ram ah zei thil dah acang than te lai?

Ralhrang athawng ngai mi Taliban nih Afghanistan can sau idoh lo in Afghan acoyah pipi cu an lak khawh bak ko kha mu, cu bantuk thiamthiam in Taliban hna doh ve ding ah Anti-Taliban pawl arak chuak lai? History ah cun Alexander san lio in Afghanistan ram hi tei afawi, Uk ahar ngai ngai, tiah anrak chim tawn khi asi,hneh awl tak, British san lio zong cu bantuk asi thiamthiam ko.

2001 kum ah American pawl anrak luh zong ah khan, Taliban hna cu fawite in an ipek srrender kha asi, America lei nih tha tein arak pawm piak ve ko, Afghan ralkap hna cu America nih anrak hman ve cawlh ko, Afghan hna hi lungrual lo ngai ngai miphun anrak si ve rua? Tu hlan ah madieval can lio ah Europe ah feudal lords nih an ti bantuk in, an ram hmun dang dang ah an mah phu ceu ngaih phun in an um khi asi, mah phu hna cu Central acoyah nih control phak lo khi an si.


Ex-Afghan Commander pakhat, Humayun Baig Khwaja nih achim ning ah, tu hlan ah Russia ralkap doh lio ah provincial war lord lar ngai le thawng ngai mi, Ahmad Shah Masood-a fapa, Amrullah Saleh Ahmad Masood nih Taliban pawl doh ding in an cawlcang lio tiah an chim, Ahmad Shah kha Afghanistan thlanglei miphun pakhat Tajik anrak si, Taliban pawl hi Pashtun miphun an tambik, Ahmad Masood hi 2018-2019 hrawng ah khan, Taliban pawl he faktuk in anrak idoh cang kha asi.

Vawikhat an idoh nak ah khan Taliban pawl minung 25000-30000 hrawng anrak thah cang hna, Afghan war lords pawl chung ah cun an lar ngaingai, ram politics ah huhang arak ngah ngai khi an si rua, mah lio ah hin Taliban pawl he Uico le meheh bantuk an si ko, Amrullah Ahmad nih zeitik hmanh ah, Taliban pawl tang ah kun aduh lo bik khi asi, ‘Pakistan le Taliban hna, dictator in mi a ukmi lak ah zalong tein um khawhnak ding ah cun, Taliban kan doh mi hi kan rian asi tiah ati bak ko khi asi.