Vawlei pi hi cantha ngeihnak in can tha lo lei ah kan pan cuahmah ko cang ralpi hi anai tak tak cang rua, ram pahnih hna nih raldoh ding ralrin te in an um cang ko hih!

Vawlei can hi can tha ngeihnak in can tha lo long te nih akan den tawn ko cang, atu dirhmun ah hin can tha lo ngai kan hmaika ah ton ding kan ngeih hawi cang khi asi cang in alang, Vawlei ram lian Pahnih Russia le China cu lungrual tein plan zei maw cu angeih timi cu afiang ko ngai, Japan Rilipi ah mah ram pahnih hna nih hin raldohnak lawng hna cu  joint petroling ngeihter cuahmah lio asi, Japan Rilipi ah lut chuak atam ngai cang khi asi tiah news site hna ah tarlan asi.

China nih raldoh nak fighter jet rual hna cu Taiwan boruak ah an lut peng fawn cang, an Bomber tiang in China nih hin Taiwan lei ah a kal/lu ter peng khi asi cang, Cun Russia zong nih Ukraine ngeih than duh in ralkap tingkhatnak tam cu hriamnam phun phun he, Ukraine borders ah an chiah dih cang ready ter an si cang fawn hna, mah ramlian pahnih hna nih hin a rualte in an tim mi ram pahnih Taiwan le Ukrain hna doh siselaw, US nih khin hmun hnih ah raldohnak khi zeitin dah an cawl cang lai? Asi lo ah an zoh sawh sawh lai maw? Timi hi ruah thiam ahar ngai ngai thil asi tiah mithiam hna nih an chim.

Ralkap tha zang ngeih ram veve asi fawn tik ah, NATO countries pawl hna khi an lungrual lo ngai ngai fawn, US hruainak tang ah tel lo cu NATO hna nih Russia hi an ngam fawn lo khi asi fawn, atu ah hin Australia khi cu arak tang ve ngaingai ko nain ralkap tha zang khi angeih tuk lem lo pin ah, an air craft carrier le destroyers tlawm palte ngeih mi khi cu arak chuah pi ve ko lai, India nih hin US hi abawm lai maw bawm lai lo theih fian ahar fawn, US lei ah atangmi Japan le south Korea hna khi hriamnam thawnnak lei ah zumngam an si le si lo theih ahar fawn, zei asi zong ah Pathiantu nih zeitin dah ahruai te hnga kan nih caah cun chim thiam ahar ngai khi asi.

China zong nih hin an mah lei ah tang ding mi cu Pakistan, Iran ti bantuk hna khi asi ve lai cu mu, kan vawlei pi hi buainak karlak ah le chiat khawhnak dirhmun ah adir ve peng ko cang timi hi cu, thawng pang rel tawn nih cun theithiamnak angei ko lai, Mah ram Lian pahnih hna hi raldoh ding ah an cawlcang taktak asi ah cun, Afganistan, Irag war hna bantuk cu asi lai lo aw, arapthlak tuk ding mi cu kan mit thlam ah alang dih ko lai, vawlei hi Pathian nih donghter/hrawhter si lo in vawlei minungtu nih hin kan thil tuah mi tih anung taktak mi Nuclear hriamnam hna an hman sual taktak ah cun minung tampi cu himnak kan ngei lai lo khi asi cu!