World Refugees day June 20 ni hi, Refugees dirhmun in khua zakip an phannak ni tiphun zong in chim khawh asi lai cu,

United Nations High Commissioner for Refugees (UNHCR) record kan hmuh ning ah cun vawlei cung minung 82.4 million hna hi, zei maw ruang ah nun himnak duh ruang ah, in lo, khua le ram kal tak in aremnak poh ah khuasa mi an si, cheukhat hna cu foreign ram tampi ah an um.

Himnak duh in azam mi Refugees 3.6 million hi Turkey ram chung ah um mi asi, vawlei cung ah refugees um tambik ram asi, cun Columbia  ram hi refugees tambik pahnih nak ram asi, minung 1.8 million a um, Venezuela ram in alut mi an tam tiah thei asi.

UNHCR  nih hin kum fatin te in” World Refugee ” Day tiin June 20 hi Refugees caah anrak hmantawn mi asi, World Refugee Day  hmasa bik hi June 20, 2001 in hman asi, 1951  kum ah Refugee Convention an ngeih hnu kum 50-nak aphan in hman asi, vawlei pum nih mah ni kan hman nak cu, (to draw attention to the plight of refugees and mobilise political will and resources to urgently help the people rebuild their lives).

The United Nations General Assembly nih cun himnak aduh mi refugees hna minung sinak covo venhim le zah/upat piak hi an timh bik mi asi, cu caah cun December 2000 ah khan official in kum fatin te June 20 hi refugees bik caah ” World Refugee Day “tiah program tuah tawn mi arak si.

2021 kum caah World Refugee Day (theme) thupi caah”Together we heal, learn and shine’tih asi” (Covid-19) zawtnak nih hin refugees dirhmun hi harsatnak apek ngaingai ve khi asi, ei le in hrukfen, ngandam nak hna hi abiapi ngai ruah piak khi asi.

India hi Myanmar ram he ramri boundary line kilometer  1643 sau ngeih mi asi, Mizoram he km 510, Manipur he km 398 ,Arunachal radesh he km  520 ramri ngeih mi as, India nih hin 1951 ah UN Refugee Convention leha hruai ning upadi cu 1967 ah protocol te a pawm lo ruang ah refugees kong ah mah upadi nih India cu huamter asi ve lo khi asi.

Chin Refugees zong tampi ramdang ah aphan ve cang aphan lo mi zong tampi kengkip ah an um tiah thei asi, ram chung ram leng aho hmanh hi asang aniam an um lo, an dih lak in Refugees dirhmun in ram dang ah aphan kho mi kan si caah”World Refugees day” akonglam theibu te in Pathian sin ah lawmnak bia le thlacam in hman hi abiapi ve ngai mi thil pakhat asi.

Cre; Moses pa