Tunai Hakha Thawngpang UPDATE Kan Theih Khawh Mi.

Hakha Thawngpang Update : Langta a rak zuang nolh hoi!! Tuhi Kan khualipi ah Langta nih a hun kan tlawng hoi e. Tukha Halkha palek leen si ko tiah an ruah, meithal a puak cuahmah ko tiah theih si.

Credit : Salai Williams Hlawnceu

Electric Tlaih Ruangah Pu Francis Rocungnung Nunnak Liam.

The Lairam Times : Central Lairam, Lawngtlai, 2022 Sikpar 03 : Nihin zaanlei suimilaam 4:00pm hrawngah Lawngtlai AOC sang ah Electric remh cuahmah lio ah Pu Francis Rocungnung cu Electric nih a tlaih caah a nunnak a liam.

Nihin zaanlei suimilaam 4:00pm hrawng ah Power & Electricity Department, Lawngtlai ah riantuan, Pu Francis Rocungnung, College sang cu AOC sang ah Power line a remh cuahmah lio ah Electric a nun caah Electric nih a tlaih i, District Hospital Lawngtlai panhpi a si hnuah a nunnak a liam.

Pu Francis nihhin Control room lei chawn in Shut-down a lakfel hnuah Electric hi a remh cuahmah lio ah Electric hi a nung.

Pu Francis hi Lairam Isua Krista Baptist Kohhran Mino Bu Zion Unit Assistant Secretary a si i, a nupi le a fale pahnih a kaltak hna.

A ruak hi tuzaan ah Lawngtlai College sang an umnak inn ah khuadei pi a si lai i, thaizing ah an khua Ceural ah tlunpi a si lai.

Lawngtlai Power Division E.E., Pu Laldawngliana nih cun vanchiatnak a tuar cu amah le an Department nih poi an ti ngaingai i, thil umtuning zohfel a si lai i, thildik lo a tuahtu cu amah le a cantawk in hremnak pek a si lai, a ngaihchiatnak kong zong Pu Laldawngliana nih a chim.

Executive Engineer hi Office herhhai ruangah Aizawl ah a um lio a si, thil sining a theih le cangka Lawngtlai lei ah tlun aa thawh colh.

Kan hnuthla ah Lawngtlai pengkomh Rulkual khua ah tlangriantuannak ah Power & Electric Department an bawmhnak hna ah minung 5 Electric nih a tlaih hna i 3 an nunnak a rak liam. c/p

VIDEO https://www.facebook.com/100078409754454/videos/522683933060486

Credit : The Lairam Times