Kan Duh Mi Kan Ngah Nak Dingah Kan Doh Caan A Phan Cang!!

“Kei ka tinh mi cu pakhat te lawng a si, cucu Kum 60 deng thahri a tlaih cang mi ralhrang phungchia hi kan chan ah a dongh tiang hrawh dingin doh ding a si” tiah Model Hta Htet Htet nih a facebook page ah a tial.

Kan duh mi kan ngah nak dingah kan doh caan a phan cang

Model Hta Htet Htet hi Kawlram aiawh Miss le Model pakhat a si. A tu hi Luatnak hmun pakhat ah ka um lio a si tiah Social Media ah a tar.

“Ngeih le chiah vialte ka kaltak hnuah sung rih ding pakhat hmanh a um ti lo, NUG in PDF ready tiin au a si tikah kanmah cio zong timhcia kan si ding a si” tiah Hta Htet Htet nih a tar. Ralhrangbu hriamtlaih in doh dingah Mino tampi tlangcung hriamtlai pawl sinah raldoh an cawng cuahmah tiah theih a si.

Crd- The Chin Post.

Relchap: Hakha GTI Caankarlak Uknak lei Rianttuantu Council Thar an Dirh!

Hakha GTI Caankarlak Uknak lei Rianttuantu Council Thar an Dirh. Ralkap uknak doh caan chung Hakha GTI sianginn uknak lei kong a tawlreltu ding Council thar cu May 9 ah an dirh, tiah thawng kan theih.

Hakha GTI uknak lei Council thar nih aa tinhmi cu:

(1) Federal Democracy fimcawnnak system ser ding.

(2) University le College hna nih mahte tawlrelnak nawl ngeih ding.

(3) University le College hna nih mahte uknak/i hruainak nawl ngeih ding timi hna hi an si.

Caankarlak Hakha GTI uknak lei Council chungtel ah Students Union palai hna, cachimtu sayate palai hna, cozah zung lei palai hna le GTI siangngakchia hlun palai hna an i tel, tiah cathanh ah an langhter.

No photo description available.May be an image of text

Crd- The Chin Journal

Relchap: Mah Ding Bak Hi Pasal Cu Si Ding Asi Ko! A Nupi A Maak Bak Ve!

Sagaing Region, Kalewa peng chung i a um mi U Aung Ko Myint nih a nupi Daw Theint Theint Myo cu Ralkap lei duhnak ttanhin Ralkap tang ah Sianginn sayamah tuan ai timh rih ruang ah a nupi sinak in a maak. Pasal cu mah ding bak hi a si ko.

May be an image of 1 person, motorcycle, outdoors and text that says "II三 DEMOCRACY NEED"

No photo description available.

Daw Theint Theint Myo hi U San Aung, Daw Sein Htay i an fanu a si. Daw Theint Theint hi Kin timi khua, Kalewa peng chung ah a ummi B.E.M.S timi Middle School ah sianginn satamah a ttuan cuahmah mi a si. Ralkap tangah riantuan hi a pasal nih a pom na lo buin Ralkap rian a tuan tikah a pasal nih a nupi sinak in a hlawt i a inn in a chuah!

No photo description available.

May be an image of outdoors and text that says "SO REDMI NOTE 8 PRO NGYEINT"

Crd- Future Wave.

Relchap: Ralkap Nih Dawr Pathum Chungin Thil Tam Tak Tak An Fir!

Vanmaw ah ralhrangbu nih thirleng dawr hna cu a ruanglo in an zoh i thirleng dawr pathum in Kethum leng he thirleng 200 leng an lak tiah a hmun um mi nih an chim

Ralhrang Nih Kethum Leng Le Thirleng 200 Leng Dawr Ngeitu An Lak Piak Hna

May ni 7 zan suimilam 10 hrawngah Khuapi chung thirleng dawr pawl ah an lut, an zoh hnuah khuapi chung um mi Tharaphu le Jubilee lam ki ah a um mi Chan Ngein Aung thirleng dawr, BEHS sianginn hnulei chungin thirleng 200 leng an lak tiah mit in a hmuh mi pakhat nih mahtin a ti. .

“Cycle dawr pawl cu an zoh hna, KENBO SHOW ROOM pakhat an lut hmasa, Dawr cheukhat cu Laisenbeing pawl lawng an zuar mi a si. Laisenbeing pawl cu an tlaih ka theih lo, a tu kan tlaih mi pawl cu Talubeing pawl an si in ka theih. Chan Ngein Aung dawr in 48 a si, mah dawr in kethum leng zong an lak chih” tiah a chim.

An tlaih mi thirleng pawl cu phungning tein Laisenbeing caah a herh mi tangka nan liam dih hnu lawngah kan in pek than te hna lai tiin ralhrangbu nih an ti hna tiin an chim.

Cu ve bantukin Myintkyina, Moegyin, Mekaung le peng dangdang ah a rual in an zoh hna i thirleng a hlun he a thar he an lak piak hna tiah theih a si.

Crd- The Chin Post/ Kachin News Group