Myanmar Military Council Min Aung Hlaig cu thinphan nak angei cang, an Uico ralkap hna ral dohnak ah asung leng mang caah, ralkap nupi hna zong training an pek,

Min Aung Hlaing nih ningcang loin Feb 1 ni in uknak nawl alak cangka te in nihin ni tiang, KIA le KNU an dohnak ah an ralkap pawl cu an sung lengmang ko caah atu hi lung rethei ngai in an um cang timi cu, theih cio asi, ralkap lut ding minung an ngei tilo caah an ralkap nupi hna cu, atu hi training an pek ve cang tiah News hman Group ah an langhter mi asi.

Atu photo hi fiangte in vun zoh ngat ulaw, Nungak note muisam zong asi lo, Nu senior taktak long te an si, mah caah cun hmanthlak an langhter mi zong hi hmailei in an langhter lo khi asi, mah ralkap nupi hna hi security deuh caah asi lai, ramtang ah ral doh taktak ding ah, an pasal hna an kal dih tik ah, Office security caah cun an hmang lai tiah news report nih cun achim.

International upadi nih an chim ning ah cun, ramchung ah hin Jet Fighter hman hi aphung asilo anti ko nain, Myanmar ram chung ah cun an fa hna kah ding ah Jet Fighter le Vanlawng, Helicopter hna hmang in anthuat, bomb an thlak piak khi asi, cu cu mipi nih anrak tuar ngaingai tawn, atu zong refugees an tam ning theih cio asi ko, apoi ngai.

Kawl ralkap mithar alut tilo nak hi kum 20 leng asi cang caah atu ralkap hna chung ah hin pension cang ding mi zong pension pek lo in ral dohnak hmun ah an kalter rih ko cu mu, kan hnu lei Kayin state chung brigade 5 hmun ah kawl ralkap minung 30 cu raldoh ding in an kalter mi cu, kan thi dih lai tiah theih bu in, kir than ding ah acunglei upa hna sin ah halnak an tuah tiah thei asi cang kha mu, Bawipa nih zeitin dah kan ram hi ahruai hnga?

NUG acoyah hi akl cuahmah ve ko caah, CDF, PDF le ABSDF hna zong vawi zei maw zat training dih asi ve cang caah, NUG tang ah ralkap si dingin ready kan si cang tiah ABSDF Leader pakhat nih cun fiang te in Media  interview nak ah fiangte in arak chim cang.

Myanmar ram Federal Democracy ram asi khawhnak ca ding ah kan dih lak in party le pawl um lo tein Min Aung Hlaing Uico ralkap hna hi lungrual te in doh cio hi bia pi bik kan rian cio asi timi hi mipi zong nih theih but e in support cio ding ah zuamcio hna u sih.

Cre: Moses pa