Myanmar ralkap Officer training ding ah mithar lut duh an hmuh hna lo, mi 100 longte an si, a hlan ah cun minung thawnghra leng hna an si, Min Dat ah bomb puak CDF 1 thi,

Myanmar Military Council cu tu hlan bantuk asi tilo, Civil acoyah an hlonh hnu ah ralkap Officer training ding Cadet “Recruit New Officers” duh zat an hmu tilo, 2.9.221 ah khan ralkap council tang ah um mi Media le TV etc. dang dang nih ralkap Officer Training ding ah Advertisement chuah asi, application submitt can alonh hnu zong ah vawi 2 nak caah thanh asi, Application postpone asi nak cu officer cadet training ding ah minung duh zat an hmu hna lo caah, Covid 19 zawtnak ruang ah tiah a puh, atu tiang lut duh caah can an onh piak khi asi.

A hlan ah cun ralkap officer si khawh ding ah Military College dang dang ah cadet 1,200 hrawng an duhnak ah 10,000 leng hna nih application an tuah ko, tu kum ah cu ralkap cawlcang ning hi mipi nih an duh tilo tik ah minung 1000 an duh ko nain minung 100 longte nih application submitt an tuah khi asi, a hlan ah cun seat hmuh ding ah ralkap officer le Police Officer fa hna long nih seat an ngah khi asi, atu ah cun minung an hmuh kho tilo.


Captain Lin Htet Aung nih an chim ning ah cu ralkap uknak tang ah hin, duh lo an tam caah People’s Embrace pawl dirtu nih nifatin tein ralkap 5 in 10 hna nih hi an umnak Unit chuah tak in mipi kilhventu pawl PDF lei ah an lut peng ati, Tu hlan ah cun Matric pass le cathiam deuh hna nih ngandamnak athat ah cun ralkap officer si duh in Military Officer Training lut ding ah mi tampi nih an line hna, atu ah cun Myanmar ralkap si hi ningzah ah an ruah ko cang khi asi, Myanmar military schools 3, Defence Services Academy, Defence Service Technology Academy and Defence Services Medical Academy hna ah cawn duh an um tilo.

Mah course dih mi hna hi Army, Air force le Navy ah commissioned Officer an si, Leutenant or Second Leutenant rank pek an si tawn, Mizo tlangval Military Engineering officer cadet le Military Medical Officer Cadet cawn lio zong an um ve.

Min Dat ah bomb puak ruang ah CDF miphun ralkap pakhat van chiat ah athi,


Tuzing suimilam 6:00am hrawng ah khan CDF Mindat miphun ralkap 3 cu bomb an fit nak ah apuak sual caah, Kum 19/20 hrawng asi mi minung pakhat cu nunnak ram caah arak liam khi asi, An bomb fit mi apuak ruang ah ahmun ah hin pakhat an thi cawlh, pa 2 hi hriam hma faktuk in antuar tiah CDF Mindat nih an chim, Mindat ah hin thla 3 chung an idoh cang nak ah CDF Mindat miphun ralkap minung 33 hi ram le miphun caah nunak aliam cang khi asi, Thla khat chung ah vawi 10 an idoh cang mithi an um ve peng fawn, Myanmar sual ralhrang hna hi minung 250 in 300 karlak an thi ve cang tiah thei asi.

Myanmar ralhrang nih nawlngeihnak an lak hnu in sualnak angei lo mi minung 1043 an thah cang,

Militar nih nalngeihnak an laknak in ni 214 chung ah ralhrang kut ah athi mi cu minung 1043 atling cang tiah AAPP September 2 ah khan tarlan asi, nawlngeihnak an lak hnu ni 214 chung ah an tlaih minung 7768 leng atling cang khi asi, atu ah an chuah rih lo minung 6132 an um rih, tlaih ding ah an timi hi minung 1984 hrawng an um rih fawn, nawlngeihnak an lak hnu ah ralhrang dang dang hna nih an thah mi ah hin Youngon ah khuasa mi hi an thah tam bik asi, Mon state chung ah khuasa mi hi minung 12 an thah cang fawn, 400 leng an tlaih cang fawn.