Myawaddy ah Minung 25 Thahnak kawng ah KNDO nih an chim ning le Uico ralkap mualphonak,

Kayin State, Myawaddy District, Waw Lay, Ka Ney Lay le Maw Khey khaw karlak hrawng ah Uu Hu Lei ah riantuan mi 25 hna cu KNDO (Karen National Defence Organization) nih an thah tiah June 13 ah khan Min Aung Hlaing Ralkap sual hna nih cathanh an tuah mi asi.

May 31 ah khan Waw Lay-ah KNDO le anmah hna chung ah aitel ve mi miphun ralkap le Uico sual ralkap hna cu fakpi in an idoh mi asi,  Uu Hu Lei ah riantuan mi hna minung mipa 31, nu 6 le ngakchia 10, an dih lak in 47 cu KNDO nih an tlaih mi hna asi.

Mah an tlaih mi chung in mipa 6, Nu 6 le ngakchia 10 hna cu an chuah cawlh, midang minung 25 hna cu an thi dih ti asi, KNDO nih cun mah minung 25 hna hi Uico sual ralkap hna an si, riantuan mi bantuk in lemcang mi an si, uniform le thil dang evidence tampi an ngei tiah an chim.

Mah athi mi chung in cheu khat hna cu, Uico ralkap he kan idoh lio ah athi mi an si, cheu khat hna cu tlik/zam an timh ruang ah an mah nih an kah I athi mi an si tiah KNDO lei nawl ngeitu hna nih FB page ah cathanh an tuah mi ah alanghter mi asi.

Min Aung Hlaing Uico hna nih cun lih le hrawkhrawl longlong an thiam, atu lio le bang cu Lemcang atam ngai caah kan miphun ralkap hna zong nih kan iralrin cikcek aher ko cang e, Uico ralkap pawl cu Human Right zong athei lo, Upadi zong athei lo, zangfahnak zong angei lo mi asi tik ah ralrin te in doh ding asi.

Rf, The Irrawaddy – Burmese Edition