Ralkap nih anmah lei Tang Nungak tete zong Raltuk an Cawnpiak Hna

SAC ralkap nih anmah he aa pehtlai mi mino pawl raltuk an cawnpiak hna, tiah SAC phu a dirkamhtu Myanmar National Post nih a langhter. Ralkap lei thazaang a der chin lengmang ko lai tiah zumh a si. A ruang cu mino aanmah he aa pehtlaii pawl tiang Raltuk an cawnpiak cang.

Kawlram cung bak ah mah le mah i dohnak a um hi cu khuaruahhar ngai ngai khi a si. Ralkap le mipi bak raldoh hi a si. A tu tiang ah Ralkap cei lak an thi ve cang i mipi zei suallo zong tam ngai an thi cang. Tlah a tongmi zong an tam ngai ngai.
Hi ti bak hin Ralkap thazaang a petu mino an rak um ve. Hi pawl hi raltuk cawnpiak colh an si. Mipi he zeitindah an i ral khawh lai tiah raltuk lawng siloin ruahnak dik lo an pek. Hmanthak kan hmuh bantuk khin nungak tete zong ani tel.
A poi tawn ko e. Ralkap lei tang mino tete zong an van chuak ngai ve.
Relchap:Ramthlo khuami minung 15 COVID-19 in an zaw.Falam Peng Ramthlo khuami minung 13 cu June 14 ah COVID-19 in an zaw i a zawcia mi 2 he 15 an si cang, tiah kan theih.”Nihin June 14 ah khan minung 13 sin ah COVID-19 zawtnak hmuh a si. Tuan deuh ah khan minung 2 a zaw mi an rak um cang i an dihlak ah 15 an si cang. Atu hi Falam sii-inn ah thlopbul an si,” tiah khuami pakhat nih The Hakha Times ah a chim.June 12 lio, Ramthlo khua AG Church ah Pastor a tuan lio mi Rev. Piang Bik zong COVID-19 zawtnak in Hakha sii-inn ah mual a rak liam. Source: The Hakha Times, June 14