Tlangcung hriam tlai phu ah cun ‘O’ Ralkap hna hi anrak rum ngai, an state caah cun fim zong anrak fim ngai rua dah?

Kawl ralkap hna nak in anfim deuh asi lai, atu ah Sui/ngun an cawhnak hmun ah tampi tangka hmuhnak lam angei caah anmah ram zoh ah khin an thancho ning ah theikhawh asi, Kawl ralkap hna zong nih an ngam bak lonak chan asi, ‘O’ miphun hna fim ning cu aram thanchonak le tlamtlinter tu arak si ko.

“O” ralkap le Kawl ralkap hna cu hmunkhat te in Sui le Ngun cawhnak hmun ah hmunkhat te in security lei ah riantuan tiin Sui le Ngun chuahnak hmun ah Miaknak/ profit  tampi an ngah veve lio ah atang mi Tlangcung ram cheukhat hna cu zei ruang dah mah Covo Miaknak/profit cu anrak ngah ve lo? Tlangcung Taiyinta party hna nih mah Covo ngah ve ding ah lam an kawl thiam ve lo maw sihnga?

Mipi hna nih Rak ruat ve ceu ding ah “Zarni Tike is with Zani Tun and Zani Aung Linn; Ralkap le ‘O’ ralkap hna nih Suimilam 24 chung security an laknak From the Ayar Yadanar Company compound 5 acares kau mi hmun cu atu ah Civil mi nih mah compound chung ah Sui/ngun kawl angah lo khi arak si.

Ayar Yadanar Company nih an cawhter mi Sui/ngun hna tamnak vawlei vawr cu hmun remnak ah tampi in chiahter asi, fur can lio ah cun mah vawlei vawr hna cu an mah minung hna nih duhsa te in zeihmanh buainak um lo tein Sui le Ngun hna cu personal rumnak le Ralkap rampi caah rian katuan atimi hna nih mah pawcawmnak ah arak tuan ton khi asi.

Mah kong ah hin mipi hna nih anthei tuk ko nain ralkap an si caah aho hmanh nih theih lo bantuk in a umter ton khi asi, hrimnam tlai arak sitik ah mipi civil mi hna nih kamkhat te hmanh an soisel ngam hna lo, Acozah ngeih mi sui/ngun hmun an ti ko nain ataktak ah cun ralkap bawi hna miaknak sui/ngun hmun khi arak si.

Alenglei sui/ngun kawl mi civil hna cu tlaih le hrem meithal he kah tibantuk hna zong hi kumkhat leng asi cang, vawlei tlak/min hlan te ni hnih duh lio hrawng ah khan sui/ngun kawlkhawhnak can an pek, vawlei aminnak chan pakhat cu ralkap company hna nih an duh ning in she/engine ngan hna he JCB, Hitachi tibantuk in vawlei an cawhter ruang ah atu bantuk chiatnak an ton mi zong asi.

Mah hmun hi company nih aho hmanh tuanter le luhter ankhamh hna thalchung vialte ah khan, atu fur ruasur can aphan hnu ah mah chung ah cun civil hn tuankhawh nak nawl an pek khi asi, arauh hlan ah vawlei cim nih minung 200 leng nunnak alk khi asi ko khah!

Mah bantuk in mah ka hmunhma ah khin umzia ngei lo in atu bantuk Acozah min pu in company hna nih an duhnak pohpoh ah vawlei cawh in sui/ngun an kawl peng asi ah cun ram ngeitu le civil mi eikawlnak ding caah hmai lei ah harnak kan tong sinsin lai tiah thil tuaktan mi hna nih an ruah mi asi, ram thancho nak lam anai rih lo e.

Cre:Ko Ko Win