Assam le Mizoram ramri buainak kong ah Assam nih zeiruang ah dah Mizoram lak an duh timi fiang deuh in theih asi ko cang politic arak thiam ning cu,

Assam nih Mizoram chung ah buainak antuah mi achan cu, National Politics thil a ai, BJP nih India ram pumpi Hindu ram ah sersiam timhnak cu akal pengko, mah thiltuah an timh mi ah hnahnawhnak bik ah an ruah mi cu, Constitution Article 371 ngeitu state hna hlonh piak khawhnak hnga, atu bantuk in buainak tuah mi arak si, mi phakar tuk mi zeitik can poh ah Central BJP ah thuk deuh in luh atimh mi, Assam Chief Minister Himanta Biswa Sarma, Assam CM hi anrak hmang khi asi.

National politics asi tim afiannak cu:-
1. Atu tiang in Prime Minister PM Narandra Modi nih ‘aw ka’ zeihmanh an chuah rih lo hi asi.
2. Assam acoyah nih anmah assam ramri venter ding ah an chiah mi, SSB le Mizoram nih ramri venter ding ah an chiah ve mi CRPF hna nih Assam pawl Mizoram chung ah buainak tuah ding in anrat lio ah, zeiruang ah dah an khamh hna lo? Cun Mizo palik hna duty nak hmun post cu an chuppiak in buainak faktuk in achuah lio ah, SSB le CRPF hna nih an zoh sawh sawh timi cu ” Mi hrut” asi lo mi nih cun fiang deuh in thei khawh asi.

3. Hriamnam tlamtling tein aken dih mi assam pawl nih Mizoram ah lut in, ram lak ding ah Assam palik 200 reng lo anrat lio ah, Assam le Mizoram buainak kilhven ding ah anchiah mi, Central Force te, SSB le CRPF hna cu khamh lo ding ah nawl pektu cu, Union Home Minister long hi asi, PM Modi nih atheihpi ko lai timi zong afiang ko, holh bak lo in atu tiang daiziar in a um ko cu!

4. Hmarchak northeast State dang dang umnak hmun cu, buainak tuah in buainak hmun asi tiah, President rule ah chiah, Jammu & Kashmir bantuk in buaiter hnu ah, Citizenship Amendment Bill CAB hmang in ramdang ah um mi, Hindu pawl nih asimilation cimralter khi asi.

Mah hna vialte hi an timhnak cu asi, Sihmanh selaw tlamtlinnak an hmuh kho rih lo, mah system hi atu ah Mizoram hman antimh ve timi cu afiang ko cang caah, Mizo mipi vialte, political party kip, NGO vialte, Biaknak lei Bu vialte hna nih lungrualte in an um aherhnak cu asi.

Mah lo hi Mizo nih ram an ngei tilo caah, hmailei kantu kan fa hna nih akan soisel lo nak hnga, umnak ram dang kan ngei ti lo, mah thil hi Mizoram acoyah zong nih bia tak tein an ruah aher, hmalak zong aher, State dang Meghalaya, Arunachal etc hna nih akan zoh peng ve ko caah zohchun awk tlak in lungrual tein kan kal aher bik ko cang.

Kan doh mi hna hi Central acoyah Central a BJP arak si ko, aruang cu Central BJP nih Assam BJP acoyah hi hmanrua caah an hman timi hi afiang ko cang caah, mah cu theih bu tein hma kan lak aherh cang timi hi mipi nih an theih ve aher ko cang.